Khauh zawkin inkhuahkhirhna kalpui leh a ngai
Lawngtlai District ah Lockdown kalpui mek chu kan inthlahdul a, mipui in kan hrethiam meuh lo. Kan zalen ta emaw tih theih tur khawpin kan chhuak nasa hle mai. VLTF lam pawhin duty ngaihna an hre tawh lova. Permit dil te pek loh ngawt an hreh avangin permit pek chhuah zel ani si a. Executive duty ten lo man ngawt dawn se, permit an nei vek zel bawk si a. Tuna lockdown kalpui mek a, inthlahdul hi kan hmang thiam lo tak zet a ni.
Lockdown hi kalpui leh dawn ta se, tun ang mai mai a kan kal anih ngat chuan harsatna lian tham zawk kan tawk ngei ang tih pawh a hlauhawm tak zet a ni. State sorkar in AMC area huam chhungah chauh Lockdown khauh taka kalpui ani na chungin District dang ah pawh hri kai an pung zel a ni si a. Lawngtlai khawpui pawh tun dinhmun ah chuan kan la him rih niin a lang a. Mahse, hetiang zela kan la zalen anih erawh chuan harsatna lian tham kan tawk ang tih a hlauhawm hle mai. Kar thar ah sorkar lam pawh lockdown kalpui anih leh nih loh an la rel leh ang a. Chung hunah chuan ngaihtuahna fim tak hmang rorelna kalpui a ngai hle ang.
Tun dinhmun en hi chuan lockdown kan kalpui dan hi en that leh a, tun aia khauh zawka kan kalpui a nih loh chuan VLTF duty te awmze nei lovin kan chhuah ang tih a hlauhawm tak zet a. Nileng a Bazar leh pisa dawr tur lehkha pe chhuak tur ringawt a, VLTF te dinhmun hi kan dah hniam ang tih a hlauhawm hle ani. Sorkar hian ngun leh zual in kan kal zel dan tur hi a ngaihtuah a hun ta e.
Post a Comment