Lawngtlai June 18 : Mizo National Front, District Hqrs., Lawngtlai chuan vawiin June 18 a Mizoram Board of School Education (MBSE)-in Higher Secondary School Leaving Certificate (HSSLC) result hripui leng mek kara tihchhuah a ni chu Pu Lalchhandama Ralte, Education Minister chak leh viak tha tak mai inpekna leh Education Deptt. te an thawhhona thatzia tilangtu a nih thu an sawi.
MNF Dist. Hqrs., Lawngtlai chuan vawiina MBSE in Higher Secondary School Leaving Certificate (HSSLC) Result a tihchhuaha pass thar zawng zawngte thinlung taka an lawmpui thu sawiin, an kal zelna turah duhsakna sang ber an hlan bawk.
Hetih lai hian hlawhtlinna la chang ve rih lo te pawh hnual mai lo va, theihtawp chhuaha hmalamah hlawhtlinna duhawm zawk chang thei tura theihtawp chhuah chhunzawm zel turin duhsakna an hlan tih an sawi.
Lawngtlai East bialtu MLA & Vice Chairman, Agri. Dev. Board ni bawk Pu H. Biakzaua chuan a bial chhung atanga Top Ten a pass te an zirna puitu atan Laptop a pe dawn bawk a ni.
Post a Comment