Lawngtlai June 18 : Vawiin June 18 khan Bualpui NG East Bialtu MDC Pu L. Daniala'n a bial chhunga zirlai tithate pualin lawmpuina hun a buatsaih.
Bualpui NG East bialtu Pu L. Daniala chuan a bialchhung atanga HSLC leh HSSLC Distinction pass chin te tan lawmpuina hun a buatsaih tur thu a sawi angin, vawiin khan a bial chhunga HSLC Distinction-a pass mi 5 hnenah pawisa fai Rs. 10 ,000/- (cheng sing khat) theuh a hlan.
Pu L. Daniala chuan a bial chhunga zirlaite'n an zirnaah theihtawp an chhuah a, ke an pen zel theih nan hetianga ruahmanna hi siam a nih thu a sawi a, election manifesto-ah pawh zirlai ti tha te hnena lawmpuina pek a tum thu hi ziakin a dah nghe nghe a ni. HSSLC result chhuak taa hlawhtlinna chang zawng zawngte pawh MDC Pu L. Daniala chuan thinlung takin a lawmpui a, hlawhtlinna chang zo ve ta lo te pawh beidawng mai lova theih tawp chhuah zel turin a chah bawk a ni.
Zirlai tithate lawmpuina hunah hian Rev. Lalhruaia Chenkual in hunserh a hmang a, VCP Bualpui (NG) East Pu F. Biakhluna bakah Bualpui (Ng) Teacher's Association hruaitute leh Young Lai Association (YLA) hruaituten an telpui a ni.
Post a Comment