Jeffrey H. Lalhriatrenga hi H. Rohmingzuala, Lungtian khua, Lawngtlai District fapa upa ber a ni a. Kum 2021 HSSLC result tih chhuah takah khan St. Joseph Higher Secondary School atangin Commerce stream-ah Distinction-ah (Mark - 462) pass-in Mizoram pumah pathumna a ni.

    Jeffrey H. Lalhriatrenga hi nu leh pa thuawih thei  tak leh naupang nungchang zawiawi lam leh nungchang thatak a ni a. Lehkha zir taima tak a ni bawk.

    Mount Olive English Medium Theiriatah Kg 1&II a zir a. Elementary stage hi Donbosco School Lawngtlai leh Brighter English Academy Lungtianah te a zir. Class 9-10 hi Don Bosco School Lawngtlaiah a zir a. Donbosco School-a class 10 a zirlai hian Lawngtlai District High School Quiz competition-ah a thianpa nen pahnihna an ni a. Lawmman pawisa fai pawh an dawng nghe nghe a ni. School-a kalna ah an zirlai a thiam theih thin avangin an zirtirtu ten Class sang zawkah an jump tir thin.

    Class X hi Don Bosco School, Lawngtlai atangin Distinction-ah a passed a. Class XI leh Class XII hi St. Joseph Higher Secondary School, Aizawlah a zir thung.

    Jeffrey H. Lalhriatrenga hian hlawhtlinna a chan chungchangah Pathian hnenah lawmthu a sawi a. A nu leh paten banglova an tawngtai saknaah a lawm em em a ni. Tin, St. Joseph Higher Secondary School-a an Principal Pu Tlana leh staff-te chungah a lawm em em a ni.

Post a Comment

Powered by Blogger.