LAWNGTLAI DISTRICT ATANGIN LALTHANZAMI HSSLC ARTS-AH 4-NA

    Lalthanzami, M. Biaknema fanu naupang zawk, Mualbu (L), Lawngtlai District a mi chu HSSLC (Arts) result chhuakah khan Mizoram pumah 4-na a ni. 

    Lalthanzami hi taima tak, Pathian tih em em a ni a. Rethei leh harsa taka lehkha zir, chhungkaw background pawh tlawm em em leh a seilenna khua pawh in 70 vel lek a ni. Thalaite hriat hlawh Dr Krista Roluahpuia cousin (Zami pa hi Dr. Krista Roluahpuia nu U), inthenawm an ni.

    A pa hi BCM Kohhran Upa pension a ni a. An khaw chheh velah chuan Bible dictionary an tih hial khawpa Bible chhiar tam leh hre bel, Pathian tih em em tu a ni.

    Lalthanzami hian an khua Mualbu (L) Primary leh Middle sikulah pawl 7 thleng a zir a. Lawngtlai Electric Veng, Govt Middle School-ah pawl 8 a zir leh a, Downtown English School, Lawngtlai-ah pawl 8 leh pawl 10 a zir a. A bak zawng chu St Anthony's HSS, Chaltlang-ah a kal thung a ni.

    Lalthanzami hian a hlawhtlinnaah hian Pathian hnenah lawmthu a sawi a. St Anthony Principal leh zirtirtu zawng zawng te hnenah a lawm em em a, an thawhrimna leh thahnemngaihna avanga thleng thei a ni a ti.

    Tin, a sikul kal theihna tura pawl 12 a zir zawhah sikul bansana inhlawh ngat ngat, a U, Vanlalchhungi, a zirna senso zawng zawng thawkchhuaktu hnenah a lawm em em! Nu leh pa hmangaihtu leh support a neih avangin Pathian hnenah lawmthu a sawi bawk.