Nimin khan ZPM Legislature Party thukhawm chuan sorkarin Covid-19 dona atana sum a hman dante an thlir a. Sorkarin hripui leng karah bungrua leina lama, uchuak taka mimal hlawkna tur a buaipui tel anga a lang thin chu pawi an tih thu an sawi.

    ZPM chuan NEC atanga sum dawn, NHM hnuaia sum hmannaah khawsik enna khawl (thermal camera) pali lei nan cheng nuai 40 chuang hman a nih leh ambulance pathum nuai 48 lai senga a lei te hian mawza man to min hriat chhuahtir a ni an ti a. Mipuite mamawh leh tul ngaihtuah hmasa lo va, airport man to taka siam that leh mau tiak man to taka lei tuma tender koh talh a, mimal sum siamna awlsam ngaihtuah vanga tih luih a ni hi mipui zah lohna lian tak a niin pawi an tih thu an sawi. 

    High Court hialin a khak ngaia Covid19 dona lama sorkar tha a thum hi a zahthlak kan tiin ralpui kan beih lai state Chief Minister hi bibo mai lo va a, hma lam atanga min hruai tawh turin kan ngen, ZPM Legislature Party thukhawm chuan thuchhuah an siam.

Post a Comment

Powered by Blogger.