Bille Eilish-i’n Instagram-a comment-te hian a nungkawng a tihrehawm a, chhiatna lamah a hruailut nia a puan hnu-ah flimstar lar Eva Mendes pawhin Instagram chu rilru hahna leh tawtna thlentu nia a ngaih thu a sawi.
‘2 Fast 2 Furious’ film vanga hriat lar chuan Social Media a tuipui ve lem lova, a hmeichhiatpui dang te nena inbiakpawhna ang leka a hman thu leh chu chuan hlimna leh lawmna a thlen, a ti.
“Instagram-a thil post hi ka duh lo, ka tan chuan rilru hahna leh tawt ut utna thlentu ni maiah ka ngai, ka hlimpui ve lo a ni. Mahse, ka hmeichhiatpui te nena rilru inpawh taka inzawmna neih erawh nuam ka ti hle thung,” tiin social media laka a rilru put hmang a tarlang.
A pasal Ryan Gosling nen fanu pahnih Esmaeralda (6) leh Amada (4) nei mek Eva hian a fate chu rilru zau tak pu a, an mihringpuite laka hriatthiamna thui tak nei tura zirtirna an pek thin thu a sawi bawk.
Post a Comment