Lawngtlai 02. June ,2021 :June ni 1, 2021 khan ZMC RT-PCR laboratory-ah COVID-19 positive 52 hmuhchhuah a ni a. TrueNAT laboratory-a sample test zingah COVID-19 positive 11 a awm bawk a, Rapid Antigen Test hmanga COVID-19 positive hmuhchhuah thar 172 an awm thung a ni.
Nimin khan Sample 3752 (mipa 2234, hmeichhia-1518) chung zingah chuan positive 235 hmuhchhuah thar an ni a. Sample an test atanga Positive hmuhchhuah zat hi 6.26% a ni. Tin, nimin vek khan positive enkawl lai mi 133 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 3243 an awm mek a. Covid-19 avanga nunna chan mi 44 an awm thung. Hri a lo len atangin hri kai mi 12634 an awm a. Heng zinga mi 7546 hi mipa an ni a, hmeichhia 5088 an ni a. Dam taka chhuak hi 9347 an ni.
Mizoram a District 11 ah hri vei enkawl lai an awm vek a. Aizawl District ah 2348, Lunglei District 198, Siaha District 41, Champhai District 9, Kolasib District 151, Serchhip District 113, Lawngtlai District 308, Mamit District 19, Khawzawl District 16, Hnahthial District 0 leh Saitual District 40 -te enkawl mek an ni.
Nimin khan ZMC RT-PCR Laboratory ah sample 1207 (Mipa - 692, Hmeichhia - 515) endik an ni a. Heng zing atang hian mi 52 chu Covid-19 positive tih hmuhchhuah an ni a. Mipa 24 leh hmeichhia 28 te an ni a. Symptom nei pakhat (1) awm in mi 52 chu Symptom nei lo an ni. Positive an hmuhchhuah thar te hi Aizawl District - 48, Serchhip Distirct - 3 leh Lunglei Distirct 1 te an ni.
TrueNat khawl hmanga positive an hmuhchhuah hi 11 an ni a. 286 (Mipa - 158, Hmeichhia - 128) an ni. Symptom nei panga (5) leh Symptom nei lo paruk (6) an ni a. Mipa 6 leh hmeichhia 5 an ni. Heng District atang te hian positive an hmuhchhuah te an ni a. Kolasib District - 5, Siaha District -3, Serchhip Distirct- 2 leh Lawngtlai District-1 te an ni.
Rapid Antigen Test hmanga hian sample 2259 (Mipa - 1384, Hmeichhia - 875) endik an ni a. Heng an endik atang hian Covid-19 positive 172 an awm a. An zinga mi 133 chu symptom nei an ni a, mi 39 ten symptom an nei lo thung a ni. Aizawl District - 116, Lawngtlai District - 19, Lunglei Distirct -17, Kolasib District-13, Khawzawl District-5, Champhai District -1 leh Mamit District-1 te an ni. RAgT hmang endik positive zinga 97 chu mipa an ni a. Hmeichhia hi 75 an ni ve thung a ni.
Nimin khan vanduaithlak takin Mizoram ah Covid-19 avanga nunna chan pali an awm a. Chungte chu Pu R.Lalduhzuala (40) Lungdai chu nimin zing dar 7:20 khan ZMC ah Covid-19 Pneumonia avangin a boral a. Pu Vanlalvuana (65), Chhingchhip chu nimin tlai dar 4:45 pm khan ZMC ah Covid-19 Pneumonia vangin a boral bawk a. Nizan dar 8:30 khan Pu Hauhnuna (76), Electric Veng Aizawl chu ZMC-ah Covid-19 Pneumonia avangin a boral. Tin, nizan dar 10:40 khan Pu H.Vala (76) Ex-Serviceman, Tuithiang, Aizawl chu a boral ve bawk a, ani hrawk cancer leh thisen sang a ni.
Lawngtlai district (20) (RAgT -19 leh TrueNAT- 1)
TrueNAT :
Lawngtlai district (1)
*Lawngtlai College Veng (1) : Hmeichhia kum 32 mi, positive contact atanga hri kai, home quarantine lai mek, symptom nei lo a ni.
RAgT Test
Lawngtlai District (19)
*Kamalanagar-I (10) : Mipa 4 (kum 4 - 47) leh Hmeichhia 6 (kum 9 – 83) an ni a. Mipa naupang kum 4 mi hi positive contact atanga hri kai, symptom nei lo a ni a. Midang 9 hi rinhlelh vanga sample test, hri kaina chhui ngai niin, an zinga mi 4 hian symptom an nei a ni.
*Kamalanagar-II (5) : Mipa 2 (kum 44 & 53) leh Hmeichhia 3 (kum 13, 27 & 50) an ni a. Inrinhlelh vanga sample test, hri kaina chhui ngai vek niin, an zinga mi 4 hian symptom an nei a ni.
*Kamalanagar-III (2) : Mipa kum 38 & 58 an ni a. Inrinhlelh vanga sample test, hri kaina chhui ngai, symptom nei an ni.
*Kamalanagar-IV (1) : Mipa kum 41 mi a ni a. Inrinhlelh vanga sample test, hri kaina chhui ngai, symptom nei a ni.
*Lawngtlai Bazar Veng (1) : Mipa kum 35 mi a ni a. Inrinhlelh vanga sample test, hri kaina chhui ngai, symptom nei a ni
Post a Comment