Spain club lian Real Madrid chuan thla 18 chhung Everton manager hna chelh leh an manager hlui Carlo Ancelotti chu an manager atan an ruat nawn leh.
Real Madrid coach nilai Zinedine Zidane chuan Real Madrid manager hna hi kar hmasa mai khan a lo chawlhsan fel tawh a, Los Blancos hian Zidane thlaktu tur hming langsar hrang hrang an zawn hnuah Everton boss Carlo Ancelotti chu an mi duh ber a ni ta a ni.
Everton boss hlui Carlo Ancelotti chuan Everton thlahna thu a sawiin, board of director, player leh fans te chungah an rinna avangin lawmthu a sawi a, Everton chu tun aia hmasawn zel turin a beisei thu a sawi bawk. Ancelotti hian Everton hi kum 2019 khan a zawm a, kum 3 dang contract a la neih laiin a chhuahsan ta a ni.
Kum 61 mi, Italian coach Carlo Ancelotti hian kum 2013 khan Jose Mourinho thlakin Real Madrid manager hna a zawm a. hetih chhung hian Real Madrid chu Copa del Rey title vawi 1, Champiosn League title vawi 1, UEFA Super Cup title vawi 1 leh FIFA Club World Cup title vawi 1 theuh a lo chawipui tawh a ni a, La Liga title a lakpui lo thung.
Post a Comment