Covid-19 positive thar 205 hmuhchhuah an ni.
Mizoram ah Covid-19 avanga boral 47 an tling tawh
Lawngtlai 04. June,2021 :: June ni 3, 2021 khan ZMC RT-PCR laboratory-ah COVID-19 positive 61 hmuhchhuah a ni a. TrueNAT laboratory-a sample test zingah COVID-19 positive 8 a awm bawk a, Rapid Antigen Test hmanga COVID-19 positive hmuhchhuah thar 136 an awm thung a ni.
Nimin khan Sample 2978 (Mipa - 1683, Hmeichhia - 1295) chung zingah chuan positive 205 hmuhchhuah thar an ni a. Sample an test atanga Positive hmuhchhuah zat hi 6.88% a ni. Tin, nimin vek khan positive enkawl lai mi 108 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 3415 an awm mek a. Covid-19 avanga nunna chan mi 46 an awm thung. Hri a lo len atangin hri kai mi 13064 an awm a. Heng zinga mi 7736 hi mipa an ni a, hmeichhia 5328 an ni a. Dam taka chhuak hi 9602 an ni.
Mizoram a District 11 ah hri vei enkawl lai an awm vek a. Aizawl District ah 2463, Lunglei District 234, Siaha District 37, Champhai District 11, Kolasib District 152, Serchhip District 104, Lawngtlai District 341, Mamit District 22, Khawzawl District 16, Hnahthial District 0 leh Saitual District 35-te enkawl mek an ni.
Nimin khan ZMC RT-PCR Laboratory ah sample 904 (Mipa - 447, Hmeichhia - 457) endik an ni a. Heng zing atang hian mi 61 chu Covid-19 positive tih hmuhchhuah an ni a. Mipa 27 leh hmeichhia 34 te an ni a. Symptom nei 11 awm in mi 50 chu Symptom nei lo an ni. Positive an hmuhchhuah thar te hi Aizawl District vek an ni.
TrueNat khawl hmanga positive an hmuhchhuah hi 8 an ni a. Sample 233 (Mipa - 144, Hmeichhia - 89) an ni. Symptom nei lo vek an ni a. Mipa 4 leh hmeichhia 4 an ni. Heng District atang te hian positive an hmuhchhuah te an ni a. Champhai District-3, Mamit District-3 leh Lunglei District-2
Rapid Antigen Test hmanga hian sample 1841 (Mipa - 1092, Hmeichhia - 749) endik an ni a. Heng an endik atang hian Covid-19 positive 136 an awm a. An zinga mi 99 chu symptom nei an ni a, mi 37 ten symptom an nei lo thung a ni. Aizawl District - 96, Lawngtlai District - 17, Lunglei Distirct -16, Saitual District-3, Champhai District - 3 leh Siaha District-1 te an ni. RAgT hmang endik positive zinga 56 chu mipa an ni a. Hmeichhia hi 80 an ni ve thung a ni.
Nizan zanlai dar 12:00 khan Pu Lalremsiama (44), Sairang chu ZMC ah Covid-19 avangin a boral a. Ani hi Zunthlum nei sa a ni. Tun dinhmun ah hian Covid-19 avang nunna chan hi mi 47 an awm ta a ni.
Lawngtlai district (17)
*Kamalanagar-II (7) : Mipa 5 (kum 26, 48, 50, 52, & 58) leh Hmeichhia 2 (kum 20 & 49) an ni a. Positive contact atanga hri kai vek niin, an zingah hian symptom nei mi 3 an awm a ni.
*Boganpara (3) : Hmeichhia vek kum 10, 27 & 30 an ni a. Positive contact atanga hri kai niin, symptom an nei vek a ni.
*Kamalanagar-I (2) : Hmeichhia kum 9 & 25 mi an ni a. Kum 9 mi hi positive contact atanga hri kai niin, kum 25 mi hi inrinhlelh vanga sample test, hri kaina chhui ngai a ni a. Symptom an nei ve ve a ni.
*Kamalanagar-III (2) : Mipa kum 29 mi leh Hmeichhia kum 50 mi an ni a. Positive contact atanga hri kai, symptom nei an ni.
*Kamalanagar-IV (1) : Mipa kum 16 mi, positive contact atanga hri kai, symptom nei lo a ni.
*Kamalanagar CRPF Camp (1) : Mipa kum 47 mi, positive contact atanga hri kai, symptom nei a ni.
*Council Veng, Lawngtlai (1) : Hmeichhia kum 20 mi, inrinhlelh vanga sample test, hri kaina chhui ngai, symptom nei lo a ni.
Post a Comment