Lawngtlai June 3 : Lawngtlai District chhungah Covid hripui vantlanga a darh zel lohna turin May 31, 2021 a DLTF meeting chuan Inkhuahkhirhna thlahdul hretin, khauh tak chung sia inkhuahkhirhna kalpui turin ruahmanna a siam a. Inkhuahkhirhna tharah hian Dawr te hawnga Autorickshaw & leh Taxi service phal a nih tak avangin mipui ten kan inthlah zalen ta emaw tiin zalena pawnchhuak kan tam hle a, phalna nei lova Bazar hmun leh veng danga kal kan tam hle.
Hei hi Deputy Commissioner, Lawngtlai chuan pawi a ti a. Hetianga mipuite kan awm tak avang hian khauh leh zualin Inkhuahkhirhna kalpui a ni dawn tih Pu R. Lalbiakthanga, Nodal Officer, Executive Duty chuan a sawi a, phalna neilo pawnchhuakte chu manin hremna lekkawh zel a ni dawn.
Pu R. Lalbiakthanga, Nodal Officer, Executive Duty chuan, VLTF te hnenah ngenna siamin, a tul zual lohtheihlohah chauh pawnchhuah phalna pe chhuak tur leh mipuiin an mamawh takzet a nih chuan phalna pe chhuak tura hmala ngei turin a ngen a. Mipui mamawh anga phalna lehkha pe chhuak lo VLTF an awm nia hriat a nih avangin tan la leh zual turin veng tina VLTF te a ngen.
Tin, mipui khuahkhirh hi a tul hle a, Executive duty te an tam loh avangin indaih a harsa a. Vengchhung ril deuh thlenga duty hi an tlinloh avangin heng lai hi VLTF te'n an hma theih chuan a lawmawm hle ang a ti bawk a. Vengchhung tlangauna atangin mipuite tul tawpah lo chuan pawnchhuak lo tur leh lohtheihlova chhuah ngaite phalna la a, Mask hmang ngei tura lo hrilh ngun turin VLTF te a ngen a, theitawpin VLTF, Executive duty & Police tangho ila, vangtlanga Covid hripui darh zel tur i veng tlat ang u tiin Nodal Officer, Pu R. Lalbiakthanga chuan Covid-19 hri donaa duty hrang hrangte a ngen bawk a ni.
Covid-19 hripui vantlanga darh zel tur venna atan phalna nei lo chu pawn chhuah khap tlat a la ni a, dan bawhchhia te chu hrem zel an ni ang.
Tin, naktuk atangin Executive duty tinah hrui pawta duty tum a ni. Strict taka kal chhoh tum a ni.
Post a Comment