Lawngtlai 05.May,2021 : Covid-19 hri leng hluar chho zel avanga Oxygen mamawhna a san chhoh avangin Zoram Medical College (ZMC) ah oxygen hman man chawi a ngai tawh dawn.
Zoram Medical College-State Referral Hospital, Falkawn (ZMC-SHRF) Medical Dr.HC.Laldina’n hriattirna a tihchhuaha a tarlan danin, tun dinhmunah ram pum leh Mizoramah ngei pawh Oxygen mamawhna a nasain indaih lohna a pung zel a, Oxygen man atan pawh sum tam tak sen a ngai mek tiin, chuvangin, tun atanga thu leh awm hma chuan oxygen hman man lak tawh tur ani, tih a tarlang.
Dr.HC.Laldina’n hriattirna a tihchhuaha tarlan anih danin, ZMC-SRHF-a enkawl Covid-19 hri kai lo Oxygen hmang ten darkar khatah Rs 30 an chawi a ngai tawh dawn a. Covid-19 kai tan litre ngaa herh haw anihin darkar khatah Rs 50/- an chawi a ngai dawn a, Oxygen chu litre 5 atanga liter 12-a herh haw anihin darkar khatah Rs 120/- an chawi a tawh dawn a ni. ZMC-SRHF-a enkawl ten oxygen hman man an chawite hi RKS (Rogi Kalyan Samiti) account ah a lut dawn a ni.
Oxygen hman man a awm chungchangah Dr HC.Laldina chuan, tun hnaia sorkar thuneitu sang thukhawmin oxugen hman man hi lak an rel thlu tih sawiin, hei hi a chhan ber chu oxygen mamawhna a sang a, tlakchhamna a thlen hlauh vang anih thu a sawi.
ZMC-SRHF-a awmten oxygen an hman man hi laksak an ni ngai lo tih a sawi a, ni khata oxygen an hman ral chu a tam tial tial tiin, hei hian sum hman ral a titam zual tih a sawi bawk. Hetiang hian ruahmanna siam mahse ZMC-SHRF-ah oxygen tlakchhamna lian tak a thleng tihna a nih loh thu a sawi a, “Oxygen dinhmunah kan chhe ta viau a ni lo a, tunah chuan kan dinhmun a tha a, hlauhthawnna tur a awm lo,” a ti bawk.
ZMC-SRHF-a Covid-19 hri kai enkawl zingah hian Oxygen pek ngai mi 9 an awm mek a, heng mite hian Oxygen an hip man hi an chawi a ngai tawh dawn a ni.
Post a Comment