Khawvela hausa ber nihna lo chelh tawh billionaire Bill Gates leh a nupui Melinda Gates te chu kum 27 chhung zet inrem taka an awm dun hnuah awm hran zai an rel ve leh ta a, an inthen ve leh ta.
Microsoft Corporation hmu chhuaktu Bill Gates leh Melinda te hi 1987 khan Bill Gates company Microsoft a a luh atangin an in hre chho tan a, 1994 khan Hawaii ah an inkutsuih. Fa pawh 3 an nei.
Nupa in ngeih tak niin an pahnih hian 2000 khan Bill and Melinda Foundation an din a, mipui hriselna, naupang ten zirna an school an kai theihnan te an thawh hlawk hle. Chu mai bakah sik leh sa inthlak danglam dan te an chhuizui thin. He an foundation hming hian Covid19 do na kawngah pawh 1.75 bn lai mai an thawh bawk a, an hausakna hmangin mi tam tak an lo tanpui tawh thin a ni.
An inthen thu hi Twitter-ah Bill Gates chuan tarlangin, "Hun rei tak kan in ngaihtuah hnuah kan inkar kan chhuchat ta. Kum 27 chhung khan fa duhawm tak tak pathum kan enkawl seilian a, foundation dinin mite nun hriselna kawngah kan lo thawk tawh thin. Mahse kan inkar hi siamthat theih a nih loh vangin kan inthen ta. He foundation-ah erawh hi chuan kan la thawk dun zel dawn a ni," a ti. Melinda pawhin hmeichhe dikna chanvo humhalh kawngah hna a thawh zui zel tur thu a sawi bawk.
Bill Gates hi tunah hian khawvela mi hausa tehna ah 4-na niin an nupa a an sum neih zawng zawng hi US Dollar 146 Billion vel niin chhut a ni.
Post a Comment