Lawngtlai 17.05.2021 : Vawiin 17.05.2021 a Lawngtlai District leh District dang a thil thleng langsar zualte han tarlang leh dawn ila. Covid-19 thawh hnihna hi thalaite zingah a thawkna bik emaw tih theih turin khawpin, thalai nunna chan an tam ta hle mai. In a i awm khan i tan a him a, midang tan pawh a him bawk tih hriat ava tha em.
1. Vawiin khan Covid-19 vei enkawlna hmun atangin min 245 an chhuak, ni khat ah Covid-19 enkawlna hmun atanga an chhuah tam ber ni record a la ni.
i) Aizawl - 163
ii) Khawzawl - 2
iii) Kolasib - 7
iv) Lawngtlai-7
v) Lunglei -6
vi) Saitual -1
vii) Serchhip - 57
viii) Siaha - 2
2. Vawiin tlai 6:15 khan Pu Chhuanzawma (55) Chanmari West chu Covid-19 Pneumonia vangin a boral. Ni 17.4.2021-ah positive ani tih hmuh chhuah niin, ni 18.4.2021-ah ZMC a admit anih hnu in ni 26.4.2021 khan ICU-ah dah luh a ni a. Amah hi chuap TB leh lung thalo nei a ni
3. Vawiin khan Lawngtlai ah Covid-19 hri danna pek chhunzawm leh a ni a. Tun tumah hian Kum 18-44 inkar te pek an ni a, vawiin a hri danna pek zawng zawng hi mi 191 an ni. Naktuk hian chhunzawm leh a ni ang.
4. Vawiin khan Chief Minister’s Relief Fund hman dan tur ngaihtuahtu atana din Committee on Utilization of Chief Minister’s Relief Fund for COVID-19 chu an Chairman Pu Lalnunmawia Chuaungo, Chief Secretary hovin Chief Secretary’s Conference Hall, MINECO-ah an thukhawm. Lockdown puan chhunga harsatna tawk, chhuanchhamte tanpui nan cheng nuai sawmkua pakhat leh singnga (Rs.91,50,000) semchhuah an remti
5. Vawiin khan Rural Development department Minister Pu Lalruatkima’n Life Insurance Corporation of India (LICI) hnen atanga an hmuh PPE 1400 chu Health Minister Dr. R. Lalthangliana hnenah an hlan.
6. Committee on Utilization of Chief Minister’s Relief Fund for COVID-19 in vawiin ni 17.5.2021 an thutkhawm a an lo rel tawh angin, lockdown kalpui mek avanga chhungkaw harsatna tawkte puihna turin vawiin khan a hnuai ami ang hian CM Relief Fund for COVID-19 atangin sum sanction a ni a. Lawngtlai District tan hian Rs 2,50,000 sanction a ni.
7. Vawiin khan Lawngtlai khawpui chhung veng 12-a Covid-19 Executive Duty-te chuan vawiin khan dan bawhchhia mi 10 manin, heng an mi mante hi pawisa Rs 1900/- chawitir an ni a. Covid-19 vanga inkhuahkhirhna kalpui chhungin Lawngtlai District bikah hian dan bawhchhia mi 596 man an ni tawh a. An pawisa chawi tir zat hi Rs 67,700/- a tling tawh a ni.
8. Vawiin khan Lawngtlai District ah hri vei enkawl dam mi pasarih (7) te chhuahtir an ni a. Vanduaithlak takin positive case thar pahnih hmuhchhuah an ni thung a. M.Kawnpui mi hmeichhia pakhat leh Kamalanagar IV-ah mipa pakhat te an ni.
9. Vawiin khan Community Health Centre Chawngte ah Covid-19 avanga thawktute pui turin Nl K.Lalnunhlimi chuan CHC Chawngte a zawm.
10. Vawiin khan Lai Autonomous District Council Disaster Management Committee te chuan LADC a Department hrang hrangte hman atan Hand sanitizer an sem chhuak.
Bengvar thlak e
ReplyDelete