Lawngtlai 15.05.2021 : Vawiin Ni 15.05.2021 (Inrinni)-a Lawngtlai District leh Mizorama thil thleng pawimawh zualte lo tarlang leh dawn ta ila. Covid-19 avangin mitin nungphung a buai a, he hri laka I him theihna turin pawn aiin In chhungah hun hmang tam zawk rawh le.
1. Vawiin, 15.05.2021 khan Lawngtlai District-a COVID-19 positive enkawl dam mi 7 (IR Qtrs CCC, Thingkah aṭangin 1M & 1F leh Chawngte CCC aṭangin 5F) chhuahtir an ni
2. Vawiin hian Covid-19 hri vei leh vei lo te mi eng emaw zat endik an ni a. Vanneihthlak takin Lawngtlai District ah hri kai hmuhchhuah thar an awm lo.
3. Vawiin khan District Hospital, Blood Bank Lawngtlai District ah TKP Immanuel Unit leh Zion Unit ten Blood donation camp neiin thisen Unit 11 an pe thei ani.Tin, AVBD Gen. Headquarters ngenna/sawmna angin Dawrpui Branch KTP ten Central KTP hmingin thisen unit 67 an pe e. Mipa -58, hmeichhia - 9.
4. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 16 manin, he'ng an mi mante hi pawisa ₹ 1,900/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 575 man tawh niin, pawisa chawitir zat hi ₹ 65,050/- a tling tawh a ni.
5. Vanduaithlak takin Lalfakzuala Jongte (24) S/o Thanga Jongte, Bawngkawn South chu zanin (15.05.21) dar 9:15 khan Covid-19 Pneumonia avangin ZMC-ah a boral. 17.04.2021 khan Covid-19 positive a ni tih hriatchhuah niin ZMC-ah admit nghal a ni a. Ni 28.04.21 khan ICU ah dah luh a ni.
6. Vawiin tlai dar 2:00 vel khan Lawngtlai AOC ah lirthei a chesual a. Pu Haimanga In chu su in, an nu ber hi X-ray ngai in a awm a. Naktuk hian In siamthat hnatlang an nei ang. Lirthei (909) khalhtu hi Hunsangzela a ni
7.COVID-19 hrileng mek laka mipui an him theih nan leh a tul apianga hman turin mimal, pawl leh kohhran atanga tanpuina Chief Minister's Relief Fund for COVID-19 ah dawn thin a ni a. Vawiin khan Chawnpui Presbyterian Kohhran chuan Rs. 1,00,000/- (nuai khat) an thawh leh a ni
8. Vawiina Health Minister Dr. R. Lalthangliana hova sawrkar hotu pawimawhte thukhawm chuan Mizorama COVID-19 second wave rawn thawk mek uluk leh chik zawka zirchiang (scientific study) tur Research Team din an rel.
9. Vawiin May 15 khan Borapansury PHC-ah Covid-19 Vaccine pek a ni a, first dose 243 pek niin, second dose hi 43 pek a ni bawk.
Post a Comment