Lawngtlai 15.05.2021 :  Vawiin May 15 khan 909 motor Electric Veng aṭanga AOC pana tlan thla chu a chesual a, chenna in a su.


909 neitu hi Lalhrila, New Vengpui niin, lirthei khalhtu hi Hunsangzela a ni a, lirthei khalhtu hian 909 hi a la khalh tam lova, a driver pangngai pawh a ni lova, tun hmain Auto Rickshow te a khalh ṭhin niin an sawi.

909 hian AOC Venga Pu Haimanga In a su a, an nu ber Pi Hmingteii hi a tai hnuai lam a che thei lova, LCMC ah X-Ray tura phurh a ni a, an pa ber pawh a ke ah hliam tenau a tuar bawk. 909 motor chesual hian in hmalama awm dawrte chu a su chhe vek bawk a ni. 

909 pawh hi a chhe nual a, a glass a keh vek bakah a frame a chhe nual bawk a ni. VC leh YLA ten naktuk hian In siam hnatlang hi thawh an tum thu kan dawng.

Post a Comment

Powered by Blogger.