INDIA mipui hi Vaibelchhe 136 vel kan ni awm e, heng zingah hian Mizote chu Vaibelchhe chanve hmun thuma then hmun khat tling manglo vel chauh kan ni thung.
Central sawrkar chuan, ram economy a thlir lo thei lova, nikum inkharkhip puan vanga India economy tlak chhiat leh sum hloh tam zia ngaihtuah chungin inkharkhip puan nawn loh dan mawlh a zawng tih kan hre awm e. India sawrkar hian mipui chu a ngaihtuah ve teh meuh ang, nikum inkharkhip puan a nih khan Sum la lut si lovin Mipui eitur a thlawna pek reng ngai tho siin, kan state ngei paw'n kan sum dawn tur kan dawng pha lo hle tih kan hre awm e. Hetih lai hian a thlawna Eitur sem khawp khamlo chhungkaw tamtak in inkharkhip bawhchhia in eizawnna an chhunzawm luih tho te pawh a hre thovin a rinawm.
Rampum huapa inkharkhip hi kawng thenkhat ah tha bawk mahse, Mipui heng zozai tan chuan , thil tha famkim awm thei in a lang lo. _Sawrkar ve lem chuan, ram economy chhiat belh zel tur a ven thiam loh chuan kawng dangin dem a hlawh leh dawn tho avangin, Hetia a tih hi a ngai tih hriatpui a tha awm e_
Kei ni Mizoram erawh chu Kan economy innghahna hi industry leh factory lam ni lovin, Kut hnathawh leh sawrkar hna a ni ber a, mihring za zel a 20 % vel hian Sumdawnna leh eizawnna dang (Contract) an thawk (ang in) a chhut theih bawk ang chu.
Hnam tlem kan nih avangin, he hrileng inkaichhawnna hi kan chhut chah thuai a ngai bik takzet. Tun hun hi ram roreltu huaisen te'n thutlukna dik an siam hun tur chu niin a lang. Nikum lama kan hlauh em em, Community Spread/ Transmission stage ah kan lut mek tih sawrkar paw'n a pawm ta hial bawk.
Vantlanga inkaidarh hi Mizote tan a hlauhawm bik na chu, kan tualzâl nun (Social life) a zalen a, inkalpawha, huhova thil ti thin leh inchibai uar hnam kan ni tlat.
Tun mek ah pawh hian, eng anga tam in nge hri hi kai tawh ang tih ngaihtuah thiam a harsa tawh hle. State dangte angin, kan tei suau suau a vang hian kan state thawhchhuah a pung ve hluai chuang lem lo bawk a, Thingtlang hna kan thawh theih a, sawrkar hnathawk in hlawh an lak bawk chuan Ram mipui 80 % vel chu kan che chhuak tho angah ngai ta mai ila, a baka ni tin inhlawhfa leh chhuan chham hlauhawm tur chi chu veng tin LTF lam ten vil ngun deuh in, in pei zawn dial dial dan dap ta mai ila, Thla khat kan inkharkhip chuan, a hri taidarhna khaidiat hi chu kan chhu chat thei ngeiin a rinawm a ni. Ngaihtuah thuai a ngai.
Hetiang renga kan Positive Case a san chhoh zel chuan, _engmah tih that ngam loh leh him chuang si lovin_ kan awm kumtluan mai ang tih hlauhawm tak a va ni em*!!
Ziaktu : Vanlalhuma Kawlni
Chawngphûl Sih Sawm (01/05/21)
Post a Comment