Juda sakhaw zuitu mi sangkhat chuangzette hi kumtina neih thin Lag B’Omer lawmin Mount Meron hmunah an kalkhawm a, zanah meichhemin tawngtai leh lamin hun an hmang a ni.
Juda sakhaw betute ngaihdanah chuan a bulhnaia khaw upa tawh tak Rabbi Shimon Bar Yochai chu khawthianghlim a ni a, he hunah hian mipuite chu innek buaiin a then step-ah an tawlh thla a, a then chu a chunglam atangin an thla bawk niin police te chuan an sawi.
Hliam zingah mi 44 chu an ngaihtuahawm zual niin Israel national emergency service Magen David Adom chuan an sawi a, hliam te lakchhuahna atan hian helicopter paruk bakah ambulance engemawzat tirh an ni. Israel Prime Minister Benjamin Netanyahu chuan chhiatna lian tak a thleng tih a sawi. Times of Israel tarlan danin organisers te hian Ningani zan programme an siamah hian mi 100,000 vel tel theih turin ruahman mahse an beisei aia tam mipui an lokal ta niin an sawi a ni.
Mount Meron hmuna Lag B’Omer festival hi nikum lamah khuahkhirhna hnuaiah hman a ni tawh a, coronavirus hri len hnuah Israel- a mipui punkhawm tam leh ber tum a ni a, thilthlen hnu hian police te leh sipaite chuan chhanchhuah hna an thawk nghal a, hliam te chu damdawiin lamah an phurchhuak nghal bawk a ni.
Post a Comment