Lawngtlai 1st May,2021 : Sorkar laipuiin May 1 atanga Kum 18-44 inkarte Covid-19 hri danna pe tur a tih chu Vaccine siamtu lamin mamawh zat an siam chhuah theih loh avangin state tam takin an pe tan thei lova. Mizoram sorkar pawhin hri danna hi a pek chhuak thei dawn rih lo a ni.
Covid-19 hri danna pek kawnga sorkar thupuangtu Dr.Lalzawmi chuan, vaccine siamtu lamin lei tur an la neih theih loh avangin May ni 1 atangin Kum 18-44 inkarte hri danna pek Mizoramah kalpui theih anih loh thu a sawi a, sorkar ruahman anga kalpui anih theih hun tur Chiang takin sawi thei lo mahse, kar li hnu velah Vaccine siamtu lam atanga chanchin an rawn hrilh tur thu a sawi lang bawk ani.
Dr.Lalzawmi chuan, kum 18-44 inkarte vaccine pe thei rih lo mahse, Kum 45 chung lam vaccine pek kalpui mek chu pangngai taka an la kalpui theih tur thu a sawi bawk ani
Mizoram in Kum 18-44 inkar tan vaccine dose Nuai 10.22 a mamawh thu hi Mizoram sorkar in Covid-19 hri danna Covishield siamtu, Serum Institute Pvt.Ltd an hriattir tawh a ni
Post a Comment