Lawngtlai 3rd, May.2021 : May 5,2021 hian Serchhip Bial Bye Election-a Zoram Peoples Movement Party atanga MLA atana thlan tlin Pu Lalduhoma chu zing dar 11:00 ah MLA atan lakluh ani dawn.
Assembly Speaker Pu Lalrinliana Sailo chuan, Serchhip Bial MLA Bye election neih zawh taka thlan tlin tak Pu Lalduhoma chu May Ni 5 chawhma dar 11:00 ah Assembly Conference Hall-ah MLA atan lak luh ani dawn tih a sawi a. Sorkar in hri leng laka inkaihhruaina a siam SOP zawm chungin lak luh ani dawn, a ti.
Pu Lalrinliana Sailo chuan, Pu Lalduhoma chu dan angin MLA atanga ban a ni a. Dan ang taka thlan tlin anih takah chuan dan angin MLA atan lakluh ani dawn tih a sawi
Kum 2018 MLA inthlan khan 26-Serchhip (ST) Assembly Constituency MLA atan Pu Lalduhoma hi thlan tlin a ni a, November 27,2020 khan Assembly Speaker Pu Lalrinliana Sailo chuan, 'India Danpui hnuaia Schedule 10-na, para 2(2), anti-defection law bawhchhia' tiin MLA atangin bantir a ni a. Tichuan, Dt 17.April,2021 khan Bye Election neih a ni a, Ni 2.May,2021 ah vote chhiar niin tlinga puan a ni ta a ni
Post a Comment