Lawngtlai 3rd March,2021 : Serchhip bial MLA Bye Election neih zawh taka tling zo lo Vanlalzawma’n MNF Vice President a nihna atanga banna an party President Pu Zoramthanga hnenah a thehlut.
Pu Vanlalzawma chuan, vawiin khan an party President hnenah Vice President nihna atanga a banna a theh luh thu a sawi a. Banna a theh luh chhan sawiin, “Serchhip bial MLA bye election neih zawh takah kan party hotute’n duhsak takin MNF aiawhin min din tir a, ka tlin zawh tak si loha chuan kan party ah Vice President ni zel kha a rem lo a hriatna ka nei a, ka mawhphurhna hle zo loah in ngaiin banna ka thehlut ta a ni,” a ti.
MNF party hruaitute chuan an party Vice President in banna a thehluh chungchang hi party hotuten an la ngaihtuah lo niin a sawi a, a banna hi pawm a nih dawn leh dawn loh a la sawi thei lo a ni.
Pu Vanlalzawma hi Lok Sabha-ah term hnih member a lo ni tawh a. Kum 2013 khan Aizawl West-I ah MLA atan thlan tlin a ni a, Kum 2018 MLA inthlanpui neih anih khan Aizawl West-I ah ding lehin a tling zo ta lo a, Serchhip Bial MLA bye election neih zawh takah khan MNF party ticket-in a ding leh a, a tling zo ta lo a ni.
Post a Comment