Lawngtlai 23.05.2021 : Vawiin Ni 23.05.2021 a Lawngtlai District leh District pawn a thil thleng thenkhatte lo tarlang leh ila. Sorkar in lockdown hun a pawtsei leh ta a. Hemi chhung hi chuan Mipuite a hma aia nasa lehzual in sorkar thupek zawm I tum hram hram ang u.
1. Vawiin hian Mizoram hmun hrang hranga Covid-19 enkawlna hmun atangin mi 103 an chhuak
2. Vawiin May 23 khan China atangin oxygen concentrators 70 leh Qatar atangin oxygen concentrators tho 20 lai mai Mizorama hman tur kan dawng leh ta! IAF thlawhna hmangin Lengpui Airport thlen pui leh a ni a, Foreign medical aids te hi MoHFW kaltlanga dawn thin a ni.
3. No.R.11012/4/2020 (COVID-19)-DC (LTI)/Vol-IV : Mizoram sawrkar Order B.13021/101/2020-DMR/Vol-IV dt 22.5.2021 para B.6(3) in a sawi angin Zonal Officers te chu mahni bial chhungah theuh Deputy Commissioner aiawhin hmasawnna hnathawh hrang hrang, chhiatna thleng thei laka invenna atana thawh tul zual a awm anih chuan a hmunah VLTF te nen enchianga (Verify) a hnuaia hming ziak hnenah report thehluh tur a ni. Deputy Commissioner in a tul anih chuan Zonal Officers te recommendna in hnathawh phalna a pe ang.
4. Vawiin Ni 24.05.2021 hian Central YLA hruaitute chuan Lawngtlai khawpui chhunga Village Level Task Force te tlawhin hun an hmang hlawm a. VLTF duty te chu theihtawp chhuah a duty kalpui zel tura ngenin, tanpuina Rs 1000/- theuh an hlan a ni.
5.Pi Zoramnghinhi (50) Maubawk, Aizawl chu vawiin 23.05.2021 dar 1:30 pm khan Covid-19 Pneumonia vangin ZMC ah a boral. Amah hi SLE, kal leh thyroid thalo nei sa a ni. Ni 7.05.2021 khan hri a kai tih hmuhchhuah niin ZMC ah admit a ni a, 13.05.21 ah ICU ah dahluh ani
6. Pi Thatinkipi (49), Chhunga Veng chu vawiin 23.05.2021 dar 3:00 pm khan ZMC-ah a boral a. Ni 20.5.21 khan Covid-19 positive a ni tih hriatchhuah ani a, hemi ni hian ZMC ICU ah dah luh nghal a ni a. Amah hi kal (Kidney) tha lo nei sa ani
7. Missionary boral C.Lalremruata (Marema BCM hnuaia missionary, Kolkata field-a thawk mek chu vawiin chawhnu dar 2 khan Covid-19 vangin RTIICS hospital, Kolkata-ah a thi.
Kum 47 mi Marema hi Rev C.Ngurhnema, Zotlang,Aizawl fapa a ni a. Zotlanga-ah hian vui tura ruahman nia thudawna ni.
8. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 7 manin, he'ng an mi mante hi pawisa ₹ 700/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 674 man tawh niin, pawisa chawitir zat hi ₹ 77,600/- a tling tawh a ni.
Vawiina dan bawhchhia mante hi vantlang hmuna hmai tuamna (mask) vuah tha lo an ni a. The Mizoram (Containment and Prevention of the Spread of COVID-19) Act, 2020 hmanga hrem an ni.
9. Cyclone Yaas Bay of Bengal a in mung mekin W.Bengal leh Odhisa hi nuai tura ngaih a ni a. He thlipui lo thawk tur hian Bangladesh a nuai rual hian May 26 ah khawmual lam panin cyclone siper hian India hmar chhak state thenkhat a nuai dawn a, Mizoram pawhin Cyclone Yaas siper hi a dawn theih thu khawchin zir mi mithiam ten an sawi
Post a Comment