Delhi Sorkar chuan Rs. 5,000 țheuhin Delhi khawpui chhunga taxis, auto-rickshaws, e-rickshaws leh public transport atana hman motor te driver 1,50,000 zet te hnenah Covid-19 lockdown vanga an hna thawk thei lo hnenah Rs. 5,000 țheuhin a țanpui dawn tih state transport minister Kailash Gahlot chuan nimin Sunday khan twitter kal tlangin a puang.
“Chief minister Arvind Kejriwal remruatna angin transport department chuan thla tin mi pakhat tan ₹5,000 zelin mihring phurh a atana hman motor driver leh a neitu 1,55,301 hnenah pek a ni ang . He țanpui a sum hi Thawhțanni hian an bank account ah dahluh a ni ang,” Gahlot chuan a ti.
Nikum lama ockdown pawh khan hetiang țanpuia hi an lo dawng tawh bawk a, kumin hian hetianga țanpuina hi an beisei tawh loh bakah Sorkar hnenah hian an dil lo bawk. Delhi Sorkar hnuaia senior official sawi dan chuan heng bakah driver hi ziah luh mek an ni a, chung te pawh chu țanpuina hi pek thuai an nih tur thu a sawi.
May 14, 2021 khan Delhi cabinet chuan ₹5,000 țheuh driver te țanpuina tur hi a remti tawh a, hei hian huam tur chu: para-transit vehicles leh Public Service Vehicle (PSV) badge leh permit holder te an ni. Covid-19 lockdown avanga sum thawh chhuah theih lohna thlirin heng mite hnena sum faia țanpuina hi ruahman a ni.
Official in a sawi dan chuan he țanpuina hian driver a huam tur chu taxis auto-rickshaws, e-rickshaws, ‘Phat Phat Sewa’, eco-friendly Sewa, ‘Gramin Sewa’ leh maxi cabs driver Public Service te an ni ang.
Delhi ah hian he țanpuina dawng thei tur PSV badge holder mi 2,80,000 leh permit holder mi 1,90,000 an awm tih Sorkar thu chhuah chuan a sawi.
Record in a tar lan danin nikum lama țanpuina an pek zat chu ₹78 crore a ni a, auto leh taxi driver mi 1,56,000 te hnenah pek a ni.
Source :
Hindustan Times
May 24, 2021
Post a Comment