VLTF BAZAR VENG LAWNGTLAI ATANGA HRIATTIRNA.
Dated Lawngtlai 23rd May 2021
Ni 24.5.21 atanga Ni 31.5.21 TOTAL LOCKDOWN chhunga mipuite tana hriattur:-
1. DAWR HAWN CHUNG CHANG:-
a). S.O.P. in Thawhlehni leh Zirtawpni ah dawr hawn theih tiin tarlang mahse, tunlai kan boruak thlirin Thawhlehni leh Zirtawpni ah hian Damdawi dawr tih loh dawr dang chu hawn phal a nilo. Mamawh nei chuan an awmna veng / khua VLTF hriatpuina / lehkha kengin mamawh a lam theih reng ang.
b).Chawlhni (Sunday) ah eng dawr mah hawn a bungraw pekchhuah phal a nilo.
c). Bazar veng chhungah Thlaihnah leh Thlairah zuar vengchhung mi chauh inpho phal a ni a. Ni 25/05/2021 leh 28/5/2021 ah zing dar 10:00 AM thleng Areopagi chhehvêl ah an inpho ang.
d). Total Lockdown chhung hian vengchhung ah ran talh khap a ni. Sangha leh Arsa tepawh dawr aṭanga zawrh phal a nilo.
e). Ni 24.5.2021 - 31.5.2021 chhung hian Dawrtê siam (Retailer) tan Bazar Veng ah dawr bungrua a lak theihloh.
2. Lockdown chhunga Chiatni chungchang, S.O.P. in a tarlan angin khauh taka kalpui nise. Thisen zawmpui pawh nise mi 30 aia tam kalkhawm phal a ni lo. Covid-19 vanga nunna chan an awm anih chuan, Medical lam te nen a inrawn tlangin YLA Hall ah ruang dah a ni ang
3. Total Lockdown chhungin Sawrkar inkaihhruaina in a tarlan angin vengchhung ah pawnlam mi tan hnathawh phal a ni lova, Bazar veng mi pawh vengdang ah hnathawk tur a chhuah phal a nilo. Bazar veng mi tan erawh vengchhung mi chauh chhawrin hnathawh phalsak a ni.
4. VLTF hminga phalna/hriatpuina lehkha pekchhuah chungchangah S.O.P. in a tarlan angin Damdawi lei tur, Nitin mamawh lei tur leh damlohna avang a in entir tur tih loh chu Hriatpuina/phalna pek chhuah loh tur a ni.
5.Community Quarantine Centre leh Home Quarantine chungchang:- Rampawn (Foreign) leh State pawn aṭanga lo haw chu S.O.P. in a tarlan angin Community Quarantine Centre/ Home Quarantine, ni Sawm (10 days) an awm ngei ngei tur a ni a, chumi hnu ah anmahni seng sovin TrueNat hmanga test tur an ni.
State chhung, hmun dang atanga lo haw an nih chuan VLTF ah hriattirin an chhungte nen inrawn tlangin ni Sarih( 7 days ) an inkhung hnu ah RAgT test an nei tur a ni.
6.Total Lockdown chhung hi chuan Bazar vengah mikhual thlen loh hram nise. Ṭul bik thilah chuan VLTF te hriattir tur a ni.
7. Lo leh Huana hnathawka kal tur te chuan SOP in a sawi angin, Zing dar 8:00 hma in khua an chhuahsan tur a ni a, tlai dar 5:00 hnu ah chauh khua an lut leh thei ang. Sorkar in hun a ruat chhungah kal tum theuh ila, Hun ruat chhunga kal lo te chu VLTF in hriatpuina/ Permission a pe tawh dawn lo a ni.
Secretary
VLTF, BAZAR Veng,
Lawngtlai
Post a Comment