Lawngtlai 26.05.2021 : Vawiin 26.05.2021 a Lawngtlai District leh District dang a thil thleng langsar zualte han tarlang leh dawn ila. Hri vei kan pung zel a, mipuite kan fimkhur chhoh zel ava ngai em. Face mask i vuah loh chuan ram leh hnam tan hmelma i ni ta reng mai le..
1. Vawiin khan Covid-19 vei enkawlna hmun atangin mi 132 an chhuak.
i) Aizawl - 91
ii) Lunglei - 12
iii) Siaha - 6
iv) Serchhip - 4
v) Lawngtlai - 2
vi) Mamit -2
vii) Champhai - 2
viii) Saitual - 3
ix) Kolasib -10
2. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 24 manin, he'ng an mi mante hi pawisa ? 3,300/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 723 man tawh niin, pawisa chawitir zat hi ? 87,700/- a tling tawh a ni.
3. Vawiin, ni 26.05.2021 (Nilaini) khan Lawngtlai Bawrhsap, Dr Andrew H. Vanlaldika chuan thu chhuah siamin, COVID-19 thawh hnihna dona kawnga chak leh khauh zawka inkhuahkhirhna kalpui a nih theih nan leh mipui chhawmdawl an ngaihna kawnga sawrkarin hma lakna mumal leh ?ha zawk a neih theih nan, veng tin executive duty te leh VLTF te chuan an bialtu Zonal Officer ?heuhte hnenah an harsatna te, mamawh te, hma lak ngaite thlen hmasa thin turin a ti.
4. Assam Rifles leh Mizoram Police tangkawp chuan Vaseikai khuaah silai zen (gun powder) kg 136 zet an man a. Mi pakhat an man tel bawk. Lunglei Battalion Assam Rifles leh police hian an thudawn bawhzuiin Longpuighat, Vaseikai khuaah hian beihpui thlakin heng thil leh a lo kawltu hi an man a. Silai zen kawltu an man hi Vaseikai Police station-ah dan anga hma lak zui turin an pe nghal a ni.
5. COVID-19 dona atana a tul apianga hman turin vawiin khan Class-I Contractors Mizoram te chuan Chief Minister's Relief Fund for COVID-19 ah Rs. 2,00,000 an pe a ni.
6. Pu JB.Vanhoy MDC (LADC) chuan Sangau-III a mi harsa zualte tanpuina atan VLTF Chairman hnenah Rs 5000/- a hlan.
7. Pu Andrew Laltlanzara, EM leh Pu Lalhmachhuana, Chairman Town COmmittee te pawhin an bial chhunga mi harsa zualte tanpuina an hlan a. Pu V.Zirsanga, Chiarman LADC pawhin a bial chhung khaw thenkhatte tlawhin an mamawh te a pe bawk.
9. New Siaha naupang, Teressa PT Lalbiakdiki kum 6 leh a nau PT Lalhmudika, kum 4, Pu Lalvenhima fate pawhin an Khawlbawm hawngin an veng chhunga khawsak harsa te tanpui nan pawisa an hlan. An unau hian khawlbawm hran neiin Teressa PT Lalbiakdiki hian Cheng 1,145 khawl hmanin a nau Lalhmudika hian Cheng 691 a khawl a, an unau thilpek tling khawm hi Cheng 1836 a ni.
Lunglei Electric veng hmeichhe naupang Lalchhanchhuahi, Pu H. Lalhmangaiha a fanu pawhin a khawlbawm hawngin VLTF Duty Section - I te hnenah an thingpui in nan Cheng 1000 a pe a. A pa Pu H.Lal hmangaiha pawhin Cheng 1000 a hlan ve bawk.
10 .Mizorama Liverpool tantute intelkhawm, Mizoram Reds Official Liverpool Supporter Club-in Covid 19 hri leng harsatna tawkte an tanpui.Mizoram Reds, Official Liverpool Supporter Club member-te hian Liverpool lama an hotute hriatpuina-in tanpui ngaite tan sum hi Rs 75,000/- zet an thawh khawm a, heng an sumthawhkhawm atang hian hri vanga harsatna tawk zual veng leh khaw thenkhatah tanpuina hi an hlan a. Aizawl khawpui chhunga veng pahnih Tanhril leh Bethlehem Vengthlang bakah Tlabung, Bairabi, Chhingchhip leh Keitum-ah cheng sing khat theuh an pe a ni.
11. Vawiin khan Lawngtlai District ah Covid-19 positive eng emaw zat hmuhchhuah an ni a. Report kan dawn atang hian tun dinhmun (dar 9:30 pm) a kan hriat danin, Chawngte lam ah hian Positive 44 dawn an hmuhchhuak a. Hei ai pawh hian a tam thei niin kan thudawnna chuan a sawi. Lawngtlai khawpui chhungah New Vengpui leh Lawngtlai-III ah te positive pakhat ve ve hmuhchhuah an ni bawk. (Chawngte lam pawh final a ni ta a. Positive 46 an hmu a, Lawngtlai town ah pahnih - total 48)
12. Medical Operational Team (MOT) on Covid-19 in total lockdown kallai a tawp hnuah pawh Aizawl Municipal corporation huam chhungah chuan khauh taka total lockdown kalpui chhunzawm a tulah an ngai a, sorkarah rawtna an thlen dawn.
Post a Comment