INDIAN MEDICAL ASSOCIATION IN  RAMDEV LAKAH INSAWIFIAH TURA TIHNA DEFAMATION CASE AN THEH LUT

 Lawngtlai 26.05.2021 : Indian Medical Association (IMA) chuan Baba  Ramdev  lakah  hmusit leh deusawh taka damdawi pangngai leh doctor pangngai te (allopathy and allopathic doctors) a sawi chhiat avangin thuphachawina thu chhuah ni 15 chhunga  ziak ngeia thu chhuah a siam loh chuan zangnadawmna  (compensation) atan  ₹1,000 crore  yoga guru hnen ațang hian pek an phut a ni. 

Baba Ramdev laka in sawifiah tura an tihna lehkha phek ruk zeta thui hi IMA (Uttarakhand) secretary Ajay Khanna aiawhin  lawyer Neeraj Pandey chuan Ramdev hnenah hian a thehlut a, he lehkha ah hian Ramdev chuan doctor pangngai leh damdawi pangngai zahawmna a ti bawrhbang nasa hle a, Uttarakhand state chhungah ringawt pawh Sorkar hnuaia thawk lo mahni eizawnna atana hmang (practisioner) doctor 2,000 chuang an awm a, chungte chu IMA member vek an nih thu a tar lang tel bawk. 

 Yoga guru in damdawi leh doctor pangngai a sawi dan chu dan bawh chhiatna “criminal act” a ni a Section of 499, Indian Penal Code, hmanga hrem theih a nih thu tar lan a ni. He lehkha a hmuh ațanga ziak ngeia thuphachawina a ti chhuak lo anih chuan intih hmingchhiatna vanga zangnadawmna (compensation) ₹1,000 crore  pe turin a phut bakah a hnen ațang hian IMA member te ₹ 50 lakh a pe vek tur a ni.

He hriattirna hian Baba Ramdev hnena a phut chu social media a theh darh video clip ah khan  damdawi leh science thiamna te diriam leh hnuaichhiah takin a deusawn a, heng social media a dah chhuahnaah te ngei hian a thuphachawina hi dah leh vek tura phut a ni bawk. 

Yoga guru hian COVID-19 damdawi a company siam "Coronil kit" fakna (advertisement) mipui hruaibo thei tak “misleading”  te chu a hnukkir tur a ni, hetiang hi a tih loh chuan a lakah hian FIR leh criminal case awrh turin  IMA chuan hma a lak tur thu hrilh a ni bawk. 


Source : The Hindu

Huna Kawlvawm

Post a Comment

Powered by Blogger.