BCM Lawngtlai Area ten Bungtlang South Kangmei tuarte tanpuina hlan

 Lawngtlai 3rd May,2021 : Vawiin Ni 3.May,2021 hian Rev.R.Lalnunzira, Executive Secretary BCM Lawngtlai Area chuan Dt 25.April,2021 a Bungtlang South a kangmei chhuahna hmun tlawhin tanpuina an hlan.

Rev R.Lalnunzira chuan, Bungtlang South khawtlang in kangmei tawk a, chhungkaw tam takin In leh lo,silh leh fen te chuh hman lova, an chenna in a kangral chu pawi a tih thu leh BCM pawhin kan tawrhpui tak zet a ni, a ti a. Khawtlang hruaitute inpekna chu ropui a tih thu sawiin kangmei laka an him theihna tura an hmalak chu chhuanawm a tih thu a sawilang bawk a ni.

Tun tuma tanpuina sum tlingkhawm hi Lawngtlai khawpui chhunga BCM tualchhung Kohhran hrang hrang te inpekna atanga tlingkhawm niin Rev K.Lalzarliana'n Bungtlang South Disaster Management Committee hruaitute hnenah kangmei tuarte tanpuina atan Rs 49,000/- a hlan a. Tin, Upa H.Lalnunsanga'n BCM Kohhran atanga kangmei tuarte tanpuina atan Rs 95,000/- a hlanin Bungtlang South Bialtu Pastor Rev Ramnghakmawia Hnamte hnenah a hlan a ni.