NAUPANG CHHUANAWM
Henryry Lalduhsaka S/o LS.Lalengthanga, Lawngtlai Chandmary chuan a Cycle leina tur atana a pawisa khawl chu COVID-19 dona atan tiin Village Level Task Force, Lawngtlai Chandmary te hnenah Rs 800 chu lawm takin a hlan.
Henry-a hi Kum 8 mi chauh a ni a. Nikum November thla atanga khan Cycle leina atan tiin pawisa hi a khawl tan a.A Nu leh pa te pawhin an khawl pui thei reng mai a. Mahse, ani chuan amah pawisa khawl ngei atanga lei a duh avangin a khawl ve tang tang a. Kum chanve dawn chu a khawl tawh a ni. Nimahsela, a duh zawng tak Cycle lei ai chuan tiin Covid-19 avanga harsatna tawk ten tangkai taka an hman atan VLTF Lawngtlai Chandmary te hnenah hian a pawisa khawl chu a hlan ta a ni.
He naupang pawisa pek hi a number zawnga chhiar chuan pawisa tam ti a sawi tur a ni lo. Mahse, a petu thinlung hi a ropui tak zet a, VLTF Chandmary hruaitute pawh a ti lawm hle mai a. Midangte tan chona lian tak a ni. He naupang Henry-a hian malsawmna tam tak a dawng ngei ang.
Post a Comment