Lawngtlai 20.05.2021 : Vawiin khan Chawngte ah hrikai 8 hmuh belh a ni a, Kamalangar - I leh II a cheng mi 7 leh SSB colony a cheng mi 1 te an ni a, heng zingah hian naupang kum 3 mi pawh a telin mipa 3 leh hmeichhia 5 an ni a, hri an kaina chin hriat loh te an ni. Medical team chuan hrikai nena inhnimhnaihna neite chhui zui nghal a ni bawk.
Nimin lama Community Health Centre Chawngte a, damlo enkawl lai hrikai a nih finfiah a nih hnuah damdawi lama thawktute khung hran an ni a, Zonet palai zawhna chhangin, Sr. Medical Officer Dr. Walter Lalnuntluanga Sailo chuan, "Volunteer leh Sub-Centre lama awm Health Worker te nen tang hoin Damdawiin hi enkawl chhunzawm a ni a, SMO Dr. Walter Lalnuntluanga Sailo hi Doctor On call duty in a vil zui bawk a ni.
Chawngte Civil SDO, Dr Manesia Khaimeichho chuan thu chhuah a siam nghal a, Section 144 CrPC tlawhchhanin zanin dar 7:00 atangin May ni 31 zing dar 6 thleng Total Curfew a puang nghal.
Post a Comment