Lawngtlai 08.05.2021 : Mizoram Kohhran Hruaitute Committee chuan May ni 8, 2021 inrinni zan dar 7:00- ah Mizoram pum tawngtai rualna nei turin kohhrante a hriattir a, kohhran mi, mitinte chuan mahni awm hmun atanga lo zawm turin a ngen
MKHC chuan “Tun laia kan ram dinhmun thlirin, Covid-19 hripui leng thawh hnihna avanga nitin hri kai thar kan pung leh thi kan pung chho mek hi pawi a ti tak meuh va.
He hripui leng hi a lo reh theih nan leh khuarel chhiatna chi hrang hrang laka kan him theih nan MKHC chuan May 8, 2021 inrinni zan dar 7:00 p.m.-ah ram pum huap tawngtai rualna neiha tihtak zeta Pathian auh ni se a tih a rel a.
He ram pum huap tawngtai rualna hi mahni awm hmun atanga lo zawm theuh turin mi tinte MKHC chuan mi ngena a ni” a ti.
MKHC chuan tawngtai thupui tur a siam a, hetiangin :
1. Sual thupha chawina
2. Pathian hrruaina kan chan avanga lawmthu sawina
3. Covid-19 hripui vei mekte an lo dam thuai theih nan
4.Damlo enkawltu doctor,nurse leh thawktu hrang hrangte tan
5. Covid-19 hripui leng hi a lo reh theih nan
6. Khuarel chhiatna hrang hrang laka kan him theih nan.
7. Kan thenawm ram Myanmar tualchhung buaina a lo reha mipui thlan sorkar tha tak an neih theih nan
Post a Comment