Tunkar Thawhlehni, May 4, 2021 khan Administrative Committee Meeting, Sap Upa leh Pu Buanga Hall, Serkawn-ah neih a ni a, an thurel langsar zingah Covid-19 dona atan cheng nuai 10 (Rs. 10,00,000/-) Mizoram Sorkar-ah pek ni se tiin a rel a, Finance Department bawhzui tura dah nghal a ni a, Covid-19 hrileng-in
zual lam a pan leh tak avangin thu leh awm hma chu Kolkata, Shillong, Aizawl leh Lengpui a BCM Gueast House te chu mikhual thleng tawh rih lo tura khar rih ni se a ti bawk.
Meeting hian Kum 2021-2023 atan Revival & Evanlism Committee member tur mi panga – Upa C. Rohmingliana (Rahsiveng), Upa F. Lalvula (Lunglawn), Upa C. Lalzarmawia (Serkawn), Rev. TC Vanlalzuia, Hrangchalkawn Bialtu Pastor leh Upa Rongura(Venglai) te ruat an ni a, Rev. Lalrinawma E.S Office, Aizawla awm mek chu AICS Academic Office-ah sawn a ni bawk.
Tin, Assembly 2021-in Pastor Bial pathum Tuampui (Aizawl), Chawngte leh Khumtung hawn tura a passed tawh chu May 15 leh 29, -ah te hawng tura ruahman a ni a. Hrileng avanga Sawrkar in SOP a siam zul zui in Programme hi a hming chauha kalpui a ni ang.
Hetih lai hian Department Committee Meeting neih tura ruahmanna awmsa zawng zawng chu hrileng avangin tiam chin awm lova thulh rih a ni
Post a Comment