Lawngtlai 08.05.2021 : Nimin tlai 07.05.2021 @ 05:00pm-06:00pm inkar vela Siaha District Jail atanga tlan chhuak Sanjoy S/o Sanga (Vai) Siaha Meisatlah chu, Police te leh Mtp Town Branch leh Veng hrang hranga VLTF ten man tuma an zawn mek laiin, Ni 08.05.2021 zing lam @ 01:30am khan Meisatlah VLTF ten an man leh ta.
Sanjoy-a hi tun hnai mai hian Siaha town chhungah thilsual nasa tak khawihtu kha a ni a. Chumi avang chuan man tumin veng hrangah zawn leh veh mek a ni a.
Ni 03.05.2021 zanlai 12:00Mn khan Pu Khusa Khaila President Mtp branch Siaha leh a thawhpuite, Meisa vaih-E President- leh a thawhpuit leh Police-2tehoin, Meisa Vaih-E areaa a riahna Inah an man a. Tichuan ni 04.05.2021 khan Distict Jail Siahaah dahluh a ni.
Nimin tlai 07.05.2021 @ 05:00pm-06:00pm inkar velah Sajoy-a chu Dist Jail atangin a tlanchhuah leh thu hriat zui a ni leh nghal a ni.
Jail lama thuneitute hnen atanga thudawnin, Sanjoy hi ni 04.05.2021 khan Jail-ah dah luh a ni a. Tun lai Covid-19 avang hian, Jail chhungah hian Ward No-1 chung hi Home quarantine-na tura buatsaih a ni a. Chutah chuan lo lut thar a nih avangin dah luh a ni a. Tlai dar 04:45pmah hian Jail tangho hi Lock up vek thin an ni.
Jail atangin a tlanchhuak a ni tih an hriatna chhan hi, thim dawn velah khan Police Driver pakhatin Babu vengah Sanjoy-a ngei nia ahriat hi a hmu a,tihdin a tum chu a tlanchhe zui ta si a. Jail lam phone nghalin Sanjay-a niawm tak a hmuh thu leh Jail atanga chhuah a ni leh nih loh thu a zawhna atangin a awm loh thu hi hriat chhuah chauh a ni.
Jail hi Thir hling neia 10ft zela inhlatin thuah thuma hung chhuah vek a ni a, a chhuah lai leh a lawn liam lai tak hi duty-te pawh hian an lo hmu bik lo a ni. (A awmna room ventilation tichhiain a chhuak a ni) Building leh fencing pawh hi an sakna a rei tawh em avangin a hluiin a che ve deuh tawh hrim a.Tukverh bar te pawh hi a chhe viau tawh mai a, siam that leh sak that a ngai tawh viau niin thu dawnna chuan a sawi.
Sanjoy-a hi Jail atangin a tlanchhuak a ni, tih hriat a nih veleh Whatsap group hrang hrangah mipuite hriat tura thehdarh nghal a ni a. Siaha khawpui chhungah Police,MTP leh VLTF ten mahni veng Area theuhah man let leh nghak tumin hma an la hlawm a. Vanneihthlak takin thil pawi dang a khawih leh hmain Ni 08.05.2021 @ 01:30 zing lam khan Meisatlah VLTF ten an man let leh ta a ni.
Sanjoy-a hi misual, rukru, mi ina luta rawk ching a ni a. A inpuanna atang a thil ruk thin tlangpui chu, Tow wheeler, Gas bur leh Silaite pawh a lo ru tawh niin a sawi.Tin, Inkhawm tawngtairual laia mi Bag leh pawisa etc etc ruk a ching bawk.
Tunhnaia a thiltihsual langsar ber chu, Pi La-i tia hriat là r Lunglei Theiriat veng hmeithai nu khawngaihthlak tak, New Colony Siahaa a leiba dil, khawlaia a kal laia zuia Bag chhuhsaktu kha a ni..Pi La-i nu khawngaihthlak tak lah chu vanduaithlak takin a riru hah em avangi a naktuk tlaiah a pawisa rutu pawh hre hman lovin, Heart atack-in a boral zui ta a ni.
Reported by : CL Hranga New Siaha
Post a Comment