Pandemic avanga Miss Universe thlanna nikum lama neih theih anihloh avangin Kumin 2021 ah Miss Universe thlanna vawi 2 neih a ni dawn  ta a. Kumin a ahmasa zawk atana Miss Universe thlanna chu neih mek ni in, India sana a thawhțan zing Dar 5:30 AM ah chiah final hi neihțan a ni dawn a, Seminole Hardrock Hotel and Casino Florida ah khawvel ram hrang hrang atangin nula nalh ber berte an fuankhawm dawn a, Zozibini Tunzi Miss Universe 2019 chuan a Lallukhum winner thar hnenah a hlanchhawng ang.

Tun țum Miss Universe thlanna ah hian ram hrang hrang ațangin ram aiawhin nula 72 zet fuankhawmin , pandemic avangin contestant an tlember țum a ni. Final zanah hian Luis Alfonso Rodríguez López-Cepero chu a hmel kan hmu dawn a, he Despasito singer hian stage arawn luahlum dawn a ni. Miss Universe lo ni tawh Demi-Leigh Tebow leh Zozibini Tunzi te chu backstage lamah host an ni dawn a, an ni bakah hian Mario Lopez leh Olivia Culpo te chuan zei takin he show hi an lo host dawn bawk a ni

 Contestant te thukhawchâng

Tunțum Miss Universe thlanna ah hian India aiawhtu Christian nula Adline Mewis Castelino  chu pageant portal tamtak in Winner atana an hual a ni a, kum 20 hnuah Miss Universe Lallukhum India ah alo hawn thei angem tih chu mi tamtak zawhna a ni. Adline hi Kuwait a seilian ni in, India ah lo pemin  Business Administration Graduate a ni a, țawng chi 4 nâl takin ahmang thei a ni. Tin, kumin Miss Universe contestant te hi tamlo mahse, Winner nih phu tamtak an awm kum a ni a, South Africa aiawhtu Natasha leh Thailand aiawhtu Amanda te chu contestant langsar ber ber an ni. Miss Universe nilâi hi South Africa mi anih avangin South Africa aiawhtu Natasha joubert chuan pressure atam thu asawi a, nimahsela an ram tâna theihtawp a chhuah tur thu a sawi. 

 Miss Universe țanpui ngâite țanpuitu

Miss Universe hi Kum 1952 ațanga thlan țan ni in, tun țum hi avawi 69 na tur a ni a,  Miss Universe hi beauty pageat satliah mai a nilo a, țanpui ngaite țanpuia charity lama thawh hlawk tak pâwl a ni.Tunțum Miss Universe contestant te pawh hian cleft palate nei mek te tân pawisa tamtak an thawkchhuak a ni. 

Keima mimal favorite te chu Prelims ațanga an tihțhat dan a zirin Swimsuit leh Evening gown round a score ka pek dan hetiang hi a ni.Close door interview an neih in an dinhmun hi a tidanglam vek thei bawk.


My Top 21👇

Jamaica - 18

Colombia - 17.8

Canada- 17.6

Puerto Rico- 17.7

Romania - 17.5

South Africa- 17.5

Thailand-17.5

Peru - 17.5

Mexico -.17.2

Cameroon- 17.2

Philippines- 17.2

Bolivia- 17.2

Russia- 17.2

Brazil- 71.1

Argentina- 17.1

Nepal-17.1

Panama- 17

Costa Rica- 17

Dom Rep- 17

Indonesia- 17

India- 16.9


#MosesNGBeautyPageantExpertandAnalyst

Post a Comment

Powered by Blogger.