Covid 19 hrileng avanga sorkarin TOTAL LOCKDOWN a puan chhunzawm avangin Sorkar thuchhuah zulzuiin VLTF, Chandmary chuan a hnuai ami ang hian ruahmanna a siam a, zawm theuh tura ngen leh hriattir kan ni e.
1. Total lockdown chhungin phalna neilo te mahni in leh compound chhuahsan phal a nilo. VLTF lehkha hi Sorkarin SOP-a a tarlante lo chuan dil buailoh tur a ni.
2. Total Lockdown (17-24.5.2021) chhungin vengchhungah mahni hna thawh phal a ni a, hnathawk turin vengchhung mi 5 aia tam rawih phal a nilo. Hnathawk tur ten an hnathawhna hmun zing dar 9:30AM hmain an thleng tur a ni a, chhunah khawlaia an veivah phal a nilo. Mi 5 aia tamin a huhoa hna an thawh dawn chuan DC ah phalna lak hmasak tur a ni a, an permit chu VLTF an hmuhtir ngei tur a ni.
3. Lawngtlai khawpawna hnathawh phal a nih angin huan/lo leh khawpawna hnathawk tur reng reng ten zing dar 8:00AM hmain khua an chhuahsan tur a ni a, tlai dar 4 hmain khua an lo lut tur a nilo. Khawpawna hnathawkte hi khawchhungah an veivah khap a ni.
4. Bungraw Unload leh Load chungchangah Sorkar thuchhuak angin zan dar 7:00PM leh zing dar 4:00AM inkarah chauh tihtheih a ni ang a, Bungraw neite huntiam chhungbakah hi chuan dil buailo tura ngen leh hriattir kan ni.
DAWR HAWN CHUNGCHANG :
1. Sorkar thuchhuak zulzui leh vengchhung hnathawk laklawhte tana bungraw lakna hun remchang a awm theih nan a hnuaia mi ang hian Dawr hawn hun siam a ni a, tumah bawhpelhlo tur leh mipui lam pawhin hun bituk chhunglo ah chuan dawr hawntirlo turin kan inngen a ni.
a. Monday & Thursday zing 6:00AM to 10:00AM – Hardware Dawr, Cement & Rod Dawr.
b. Tuesday & Friday zing Dar 5:00AM to 12:00Noon – Thlai, Chawhmeh, Sa & Paihte sumdawng.
c. Tuesday & Friday zing Dar 12:00Noon to 5:00PM – Eichawp Dawr, Ranchaw Dawr.
## Vawk leh Bawng sa zuarte Bazar hmuna inpho a rem dawnlo a, Order la lawkin mahni in atanga tiral turin kan inhriattir a, Sa zuartuten Customer hmuhtheih turin Vety Doctor in a endikna lehkha an tarchhuak ngei tur a ni. Khawdang atanga Hardware/Cement la turten zan dar 7:00Pm hnu lamah VLTF phalna lain bungrua an lak phalsak theih a ni ang.
## Nitin mamawh, Chawhmeh leh thlai zuartute TOTAL LOCKDOWN denchhena kan thil zawrhte to uchuak taka zuarlo tura ngen leh hriattir kan ni a, hun harsa mitinin kan tawhlai denchhena hlawkna uchuak taka um kan inhria a nih chuan hun lokal zel turah VLTF mai niloin VC leh YLA te pawhin natakin an chungah action kan la chhunzawm zel dawn a ni.
2. SOP in a tarlan angin mahni vengah theuh bazar tura ngen kan ni a, tin, thlai zuarte pawh mahni awmna vengah theuh inzuar tura hriattir kanni. Chawhmeh pho tur reng reng ten LINE MARKING siam chhungah zel an inpho tur a ni a, Mask vuahin Social Distancing an ngai pawimawh hle tur a ni.
3. Chandmary Square Bazar Shed a thu turte Monday & Thursday chawhnu dar 1:00Pm ah Chandmary Inpuiah Number pawh tur a ni ang.
HOME QUARANTINE CHUNGCHANGA HRIATTIRNA:
1. Khawdang atanga lo haw emaw lokal emaw hrim hrim chu an lo thlen hmaah VLTF ah report hmasak ngei ngei tur a ni.
2. Mizoram pawn atanga lo haw te ramri ah RAgT test negative pawh nise ni 10 dang Quarantine leh tur a ni a, ni 10 hnuah RAgT emaw TrueNat emaw a test tura ngen kan ni a, Test result hi VLTF ah report leh ngei ngei turin kan inngen bawk a ni. Quarantine na tur chungchang hi VLTF leh chhungkua te nen sawiho thin tur a ni ang.
Sd/- Secretary VLTF, Chandmary
Post a Comment