Mahni in/compound chhunga hna thawh chungchanga hriat tur pawimawh

Lawngtlai, May ni 26, 2021: Vawiin khan Lawngtlai Bawrhsap Dr Andrew H. Vanlaldika chuan COVID-19 vanga total lockdown kalpui mek laia mahni in/compound chhunga hna thawh chungchanga mipuite hriat tur pawimawh a hnuaia mi ang hian a chhuah.

"Ni 25.05.2021-a District Level Task Force ṭhu khawmin COVID-19 thawh hnihna laka Lawngtlai khawpui chhunga mipuite him tlan zawk nan leh hmasawnna hnathawh hrang hrang te a theih chin chinah inkhuahkhirhna zawm chunga chhunzawm a lo nih theih nan a hnuaia mi ang hian ni 31.05.2021 thlenga hman tur ruahmanna siam a ni.

"1. Mi panga (5) aia tam lovin Zonal Officer-te leh VLTF-te hriatpuinain mahni in/compound chhungah, mahni veng mite chauh ruaiin hna thawh phal a ni ang.

" 2. Hna thawk tur hian veng dang mi chhawr/rawih phal a ni lo ang.

"Hna thawhna hmunah te hian Covid Appropriate Behaviour (CAB) leh Social Distancing uluk taka vawn tur a ni."




Post a Comment

Powered by Blogger.