Bazar nia mipuite'n awlsam zawka chakkhai an lam theih nana ruahmanna
Lawngtlai, May ni 26, 2021: Vawiin khan Lawngtlai Bawrhsap Dr Andrew H. Vanlaldika chuan COVID-19 vanga total lockdown kalpui mek laia Bazar nia mipuite'n awlsam zawka chakkhai an lam theih nana ruahmanna leh hriat tur pawimawh a hnuaia mi ang hian a chhuah.
"Ni 25.05.2021-a District Level Task Force ṭhu khawmin COVID-19 thawh hnihna laka Lawngtlai khawpui chhunga mipuite him tlan zawk nan leh awlsam zawka chakkhai lam a nih theih nan Bazar ni (Thawhlehni leh Zirtawpni)-ah te tlai dar 5:00 thleng hman turin a hnuaia mi ang hian ruahmanna siam a ni.
"1. VLTF-te'n mahni veng huam chhung bik atan thlai zawrhna tur ruahmanin, veng mipuite'n mahni veng chhungah chauh thlai leh chawhmeh lei/zawrh tawh tur a ni ang.
"2. Eichawp/chawhmeh/sa bak mamawh neite'n VLTF-te hriatpuinain veng danga bazar phal a ni ang.
"He ruahmanna hian ni 31.05.2021 thleng a huam ang a. Bazarna hmunah te hian Covid Appropriate Behaviour (CAB) leh Social Distancing uluk taka vawn tur a ni."
Post a Comment