Nizan May 23 khan English Premier League 2020-2021 season chu khar fel a ni a, khelh hnih la awm a champion Manchester City chuan Everton chu 5-0 hnehin an champion-na an sawhnghet a, trophy an chawi.
Match fact
Kum 2020-2021 season
English Premier League hi season dang ang lo takin September 12, 2020 khan tan
a ni a, nizan khan zawh fel a ni. Season tluanin Match 380 khelh a ni a, goal
khung zawng zawng hi 1,023 niin, home-a chakna nasa ber chu Manchester
United-in Old Trafford-a 9-0 a Southamton an hneh kha a ni a. away-a chak lo
nasa ber chu Villa Park-a Liverpool-in Aston Villa an hneh loh kha a ni bawk.
Hneh lo nei lova kal rei ber chu Manchester City an ni a, match 19 chhung
hnehtu an tawh lo. Hetih lai hian Sheffield United chu hneh nei lova kal rei
ber an ni a, match 9 chhung a zawnin hneh an nei lo.
Table chung ber luahlum
tawhtute
Season tan tira atanga
November thlengin Arsenal, Leicester City, Everton, Liverpool leh
Southamton te chu table chung berah an awm hman a, hemi hnu hian Tottenham chu
table chung berah an awm veleh a, he dinhmun hi Liverpool-in an phehthlak sak.
Amaherawh chu Liverpool hian hliam an tuar a, March thla tawp lamah phei chuan
8-naah an tlathla hman hial a ni. January thlaah Manchester United chuan table
chung ber an luah veleh a, mahse Manchester City-in thla tawp lamah an dinhmun
hi an chhuh sak.
Tutenge tla
April 17 khan Sheffield
United chu division hniam lamah an tla fel tawh a, May 9 ah West Brom in an zui
veleh a, May 10 ah Fulham chu division hniam lamah an tla veleh. Championship
atangin Norwich leh Watford te chu EPL khel turin an tling tawh a, qouta pakhat
la awm chu Swansea leh Bournemouth ten an inchuh dawn a ni.
Manager ban an awm nual
Kum 2020-2021 season
chhung hian EPL club thenkhat ten an manager an ban nual a. West Brom chuan an
manager nilai Slaven Bilic banin Sam Allardyce an lalut a, Chelsea chuan Frank
Lampard banin Thomas Tuchel an lalut. Sheffield United pawhin Chris Wilder
banin Paul Heckingbottom chu interim atan an ruat a, Tottenham pawh Jose
Mourinho banin Ryan Mason chu interim manager atan an ruat vawk.
Europe-a inlan tur
Kumin EPL hmuhnawmna em em
chu a tawp zanah UCL leh Europe dang khel tur a chiang chauh chu a ni.
Manchester City, Manchester United, Liverpool leh Chelsea te chu Champions
League khel thei turin an tliang a, Leicester City leh West Ham te chuan Europa
League an khel ang a, Tottenham chuan Europa Conference a khel thung ang.
Tute nge pet goal tam
Tottenham striker Harry
Kane chuan a vawi thum nan Golden Boot a dawng a, a ni hian EPL game 36 a
khelhah goal 23 a thun a ni. Liverpool star Mohamed Salah chu pahnihna niin,
goal 22 a thun bawk a, midfielder zinga goal thun hnem ber Manchester United
playmaker Bruno Fernandes chuan goal 18 a khung bawk. Kumin EPL goal khung
tamah hian Tualchhung player an lang nual a, Harry Kane bakah Patrick Bamford (17),
Dominic Calvert-Lewin (16), Jamie Vardy (15) leh Ollie Watkins (14) te chu a
langsar zual an ni. Hat trick siam player 12 an awm bawk.
Midang tana tangkai
Tun EPL ah hian mi dang
pet goal tur siam sak hnem ber chu midfielder ni lovin Tottenham striker Harry
Kane (14) a ni. Manchester City playmaker Kevin De Bruyne leh Manchester United
playmaker Bruno Fernandes chuan assist 12 ve ve an nei bawk.
Siban nghak lam aw
Team chakna hnar pakhat
chu goalkeeper te hi an ni. Tun season-ah hian Manchester City goalkeeper
Ederson chuan cleansheet a nei tam ber a, vawi 19 cleansheet a nei a, Chelsea
keeper Edourd Mendy chuan cleansheet vawi 16 a nei a, Aston Villa siban nghak
Emiliano Martinez chuan cleansheet vawi 15 a nei bawk.
Hrem tawk zing
Manchester United defender
Harry Maguire leh Aston Villa midfielder John McGinn te chu hrem tawk zing an
ni a, an ni pahnih hian yellow card vawi 11 ve ve an hmu a, Brighton defender
Lewis Dunk chu vawi 2 hnawhchhuah awm chhun a ni bawk. Sheffield United-in yellow
card vawi 70 an hmu a, Brighton in red card vawi 6 an hmu bawk
Mimal
lawmman lam
Season liamtaah khan
manager 7 in manager of the month award an dawng a, Carlo Ancelloti, Nuno
Esparito Santo, Jose Mourinho, Dean Smith, Pep Guardiola, Thomas Tuchel leh
Steve Bruce ten an dawng a. Player of the Month award hi Dominic Calvert-Lewin,
Son Heung-Min, Bruno Fernandes, Ilkay Gundogan, Kalechi Iheanacho leh Jesse
Lingard ten an dawng tawh bawk a ni. Harry Kane chuan goal 23 khungin Golden
Boot award a dawng a, Ederson chuan cleansheet 19 neiin Golden Glove award a
dawng bawk.
Post a Comment