COVID-19 SAMPLE 811 ENDIK ATANGIN POSITIVE 113 HMUHCHHUAH THAR AN NI. LAWNGTLAI DISTRICT AH 19 HMUHCHHUAH THAR AN AWM

Lawngtlai 24.May,2021 : May ni 23, 2021 khan ZMC RT-PCR laboratory tihfai a nih vangin sample test a awm lova. TrueNAT laboratory-a sample test zingah COVID-19 positive 8 awmin, Rapid Antigen Test hmanga COVID-19 positive hmuhchhuah thar 105 an awm thung a ni.

    Nimin khan sample test zawng zawng hi mi 811 (mipa 431, Hmeichhia 380) a ni a, chung zingah chuan positive 113 hmuhchhuah thar an ni a. Sample an test atanga Positive hmuhchhuah zat hi 13.93% a ni. Tin, nimin vek khan positive enkawl lai mi 103  chu Covid-19 positive enkawlna hmun atanga chhuahtir an ni thung.

    Tun dinhmun ah hian Mizoram-ah hian positive enkawl mek 2461 an awm mek a. Covid-19 avanga nunna chan mi 33 an awm thung. Hri a lo len atangin hri kai mi 10333 an awm a. Heng zinga mi 6395 hi mipa an ni a, hmeichhia 3938 an ni a. Dam taka chhuak hi 7839 an ni.

    Mizoram a District 11 ah hri vei enkawl lai an awm vek a. Aizawl District ah 1932, Lunglei District 98, Siaha District 22, Champhai District 46, Kolasib District 130, Serchhip District 97, Lawngtlai District 70, Mamit District 17, Khawzawl District 9, Hnahthial District 1 leh Saitual District 39 -te enkawl mek an ni.

     Nimin khan ZMC RT-PCR Laboratory hi tihfai anih avangin test an nei thei lova. TrueNat leh RAgT hmanga sample endik atangn Covid-19 positive 113 hmuhchhuah thar an awm thung a ni.

        TrueNat khawl hmanga positive an hmuhchhuah hi pariat (8) an ni a. Champhai District ah pathum (3) leh Lunglei District ah panga (5) te an ni.
        Rapid Antigen Test hmanga hmuhchhuah hi 105 an ni a.  Aizawl district ah 78, Lawngtlai District ah 19, Serchhip District ah 4, Siaha District ah 2 leh Kolasib District ah 2 te an ni. 

    Nimin a positive an hmuhchhuah zingah hian Symptom nei mi 80 awmin Symptom nei lo mi 33 an awm thung a ni.

    Nimin khan vanduaithlak takin ZMC ah Covid-19 positive enkawl pahnih Pi Zoramnghinhi (50) Maubawk, Aizawl leh Pi Thatinkipi (49), Chhunga Veng te an boral a ni.

    Lawngtlai district (19)
    Kamalanagar-II (11) : Mipa 6 (kum 23 - 63) leh Hmeichhia 5 (kum 9 - 56) an ni a. Positive contact atanga hri kai mi 4 awmin, symptom an nei lova. Midang 7 hi inrinhlelh vanga sample test, hri kaina chhui ngai niin, symptom nei mi 2 an awm a ni.
    Kamalanagar-I (7) : Mipa 4 (kum 28 - 44) leh Hmeichhia 3 (kum 1, 21 & 24) an ni a. Positive contact atanga hri kai mi 5 awmin, mi 2 in symptom an nei a. Midang 2 hi inrinhlelh vanga sample test, hri kaina chhui ngai niin, pakhat hian symptom a nei a ni.
    Kamalanagar-III (1) : Hmeichhia kum 45 mi, inrinhlelh vanga sample test, hri kaina chhui ngai, symptom nei lo a ni.