Lawngtlai 1st May,2021 : Bharat Biotech chuan Serum Institute of India hnungzuiin an vaccine siamchhuah Covaxin chu Rs 600 atangin Rs 400 ah a man an tihniam dawn ta.
State sorkar hnenah Rs 600 an lo chhiar tawh chu ninga zan (29.4.21) khan Rs 400 an chhiar thar tih an puang.
Bharat Biotech chuan tuna India ramin harsatna namen lo tak a hmachhawn mek hi a hriatthiampui hle a. Public health care system nasa takin a nghawng avangin Covaxin chu state sorkar hnenah dose khat Rs 400 kan chhiar tan a ni,tiin thuchhuah an siam.
Sorkar laipui chuan anni company leh Serum Institute of India-te chu Covid-19 laka invenna vaccine an siamchhuah te chu a man zat an bituk thar aia tlawma hralhchhuak turin a ngen a. April 26,2021 khan Cabinet Secretary Rajiv Gauba hovin a man zat tur an ngaihtuah thar leh ta a ni
Post a Comment