Lawngtlai 30th April,2021 : Lalruatkimi D/o Lalnunthara (L) Ramhlun Vengthar, Surat Gujarat-a hnathawka awm mek chu vawiin chawhnu dar 3:30 vel khan COVID-19 avangin a thi.
Gujarat Mizo Zirlai Pawl hruaitute sawi danin, Lalruatkimi leh a thian Mizo Nula pahnih te chu Ni 9 kal ta vel khan hri an kai tih hriat chhuah an ni a. An pathum hian Civil Hospital, Surat ah enkawl an ni a. Lalruatkimi hi nilai zan (28.4.21) khan a dinhmun a that tawk loh avangin Intensive Care Unit (ICU) ah dah luh a ni a, a dinhmun hian that lam pan a hnekin a hniam lam zel a ni. Tichuan, vawiin tlai lam dar 3:30 vel khan Covid-19 hri Natna chu hneh zo ta lovin a boral ta a ni.
Lalruatkimi hi Kum 34 a upa niin kan thudawnna chuan a sawi a. Surat ah hian hnathawk in a awm a. Tunah hian a thian a awmpui te hi Covid-19 hri an kai avangin enkawl mek an ni
Post a Comment