BIOLOGICAL SEX LEH SEXUAL ORIENTATION DANGLAMNA TE LEH THIL HRANG HRANG KAN HRIAT TUR TE
Gay(tuai/patil) kan sawi apianga straight tam zawk leh gay thenkhat tena kan sawi lan fo, "Pathianin mipaah leh hmeichhiaah a lawm mi hring a siam", kan tih ve fova hi Biological sex kan tih hi a ni a, pianpui nihna atanga mipa leh hmeichhia hriat hranna kan ti ber mai ang chu. Pian tirh ata mipa serh leh hmeichhe serh nei kawpa piang an awm ve bawka, chungte chu "intersex" tiin an ko va, tun hnuah khawvelin hengte pawh hi biological sex huang chhungah a dah ve tawh bawk a ni. Hengte hi chu an piantirh ah Doctor te leh nu leh pa ten an fa an nih tir duh dan anga zirin mipa serh emaw hmeichhe serh zawk emaw kha paih in, puitlin hnua mahni serh nena in millo deuh mipa serh nei si "chhul nei" te pawh an awm ta hial bawk a ni. Keini tih theih a awm lova, dem tur leh sawisel tur pawh kan ni lo. Kan sawisel a nih chuan a siamtu Pathian sawisel kan ni tih na zawk a ni.
A chunga kan sawi Pathian siam mipa leh hmeichhia te zingah hian sexual orientation kan tih midang chunga sexual attraction neih dan in ang lo theuh kan awm leh bawk a, chungte chu a hnuailama mi te ang hi an ni.
1) Heterosexual : mahni opposite sex duh chi an ni a, straight tih te pawn an ko bawk a ni. Hengte hian mahni same sex chungah relationshipa awm turin feeling an nei ngai lo. Khawvelah 95% an awm. Awmherh duh vang leh hur luat avanga mahni same sex mut pui duh ve mai erawh an awm thin. Entirnan Sadom leh Gomora a an mipa te ang kha an awm tihna a nih chu. Sadoma mipa te kha Gay(Tuai) an ni lo a ni.
2) Homosexual : hengte hi mahni same sex duh chi leh hip chi an ni a, mahni same sex chungah lo chuan feeling an nei lo. Gay(tuai) leh lesbian(patil) kan tih te hi an ni a. Gay family ah pawh chi hrang hrang an awm angin lesbian family ah pawh an awm ve a, Femme leh Butch tiin an awm a. Femme te hi he tia ena hmeichhe LANGNU tho si, mahse mahni anpui chauh duh chi an ni a, butch te hi chu he tia ena hmeichhia ni tho si langpa te hi an ni. Mizo chuan patil ti ila kan hre thiam ber ang chu. Gay zingah pawh he tia ena straight mipa ang ve tho mahse gay ni si an tam em em tho a ni. Pawn lam lan dan ringawt ah a in hriat hran theih lohva, chhunglama nihna zawk a ni.
3) Bisexual: Hengte hi chu mahni same sex leh opposite sex duh chi an ni a, Heterosexual te leh homosexual te nena hriat pawlh tur an ni lo. An kawp ve ve theih avang hian anti-gay te pawh an rawn awm phah hial thin bawk, a chhan chu mahni same sex an nih pui zawh hnuah an opposite sex zinga mi duh deuh an nei leh a, kawppui nei bisexual thenkhat te hian kawppui pakhat chauh neia lungawi tawk ang chi te an awm a, hengte hian gay atang straight ah in thlak theih angin an sawi tlangpui, a chhan chu an mahni orientation ang emaw an tih ve vek vang a ni. Gay leh straight te nena pawlh tur an ni lo. Bisexual an ni a LGBT zinga tam ber an ni.
4) Asexual : hengte ve thung hi chuan tuma chungah sexual attraction an nei lo va, mahse relationship ah chuan an awm ve thei tho a ni.
5) Pansexual : Hengte erawh chuan a chunga kan sawi orientation te hi an duh thei vek a ni. Transman, transwoman te pawh an duh thei vek bawk, mahse an tam lo hle.
Transgender: Transgender kan tih te hi serh thlak na zawng hi an va ni vek kher lo va, mipa soul hmeichhe taksaa awm, hmeichhe soul mipa taksaa awm te an ni a. An zingah hian chihnih an awm ve leh a, serh thlak duh chi leh cross-dresser an tih mahni opposite sex te thawmhnaw hak anga in cheia duh tawk mai te pawh an awm bawk a ni.
a) Homophobia: Hengte hi homosexual hua leh duh lo tu te an ni.
b) Biphobia: Bisexual duh lo tu te an ni.
c) Ally : hengte hi Straight zinga LGBT te nena in ang khat leh gender equality pawm tu te an ni. Supporter te an ni kan ti thei awm e.
Awle, a chunga kan ziah takte khi kan chhiar zawha kan hriatfiah tura ka rin chu eng ang mi nge ka nih tih hi a ni a. LGBT haw tu kan nih pawn kan nih na a in ziak kuau va, kan biological sex ah chuan buai tur vak kan nei hran lo, mahse sexual orientation ah zawk hian kan buai thin a, a chunga kan ziah orientation chungchang khi duh thlanna vang a nih loh zia leh kan pianpui nihna a nih zia Scienctist te pawh ina an lo hmuh chhuah leh an sawi chu a ni. Kan Bible ah ngei pawh Isuan Born gay te an awm zia min lo hrilh hre bawka, born gay Christian chanchinte pawh hmuh tur a awm bawk a ni.
Heterosexual(Homophobia) te hriat atan,.. Kan thian homo(gay) te hi kei mahni anga straighta inthlak tura kan duh chuan straight kan nih na atang gay/ lesbian ah han in leh(thlak) tum ve phawt mai ila. Kan theih hunah chauh kan thian gay te chu inthlak dan kan hrilh ve leh zawk dawn a nia. Mi tu emaw hi gay a nih vang ringawta hmuhsit theihna hi tuman kan nei lo va, straight a nih vang ringawtin hmuhsit theihna pawh kan nei bik lo a ni.
Khawvelah hian mi chi hrang hrang kan awma, mi cher te, mi thau te, tawi te, sang bik te, dum bik te, ngo bik te, midang keimahni ang an nih loh avangin kan hmusitin kan sawisel tur a ni lova min sawisel tur a ni bik chuang lo. Mihring pakhat kan nihnaa kan dikna chanvo hi kan in zahsak tawn a ngai bawk a ni. Tin, khawvelah hian hetrosexual te hi 95% an awma, LGBT te hi 5% chauh an awm a ni. Tuai leh patil te hi straight te ang bawka mahni duhthlanna avanga hetianga awm an ni lova, siamtu siam dan ve renga piang an ni ve zawk a ni.
Source : Mizo LGBT Christian
Post a Comment