Lawngtlai 30.05.2021 : Vawiin May 30, 2021 khan Pholeng (YouTube Channel) chuan Pi Tluangpuii, Lawngtlai Bethel Veng, Brain Tumor puala Vehbur an khawnsak chu an hlan.
Pi Tluangpuii puala Vehbur an khawnsak mek laiin amah ber hi a natna tuar lovin a boral hman a, an sum hmuh ang angte hi a kalsan tak a pasal Pu Valbawiha leh a fate 3 te tan hlan a ni.
Pholeng hian an sum hmuh Rs. 2,80,411/- bakah an puala thawmhnaw leh mutbu an khawnsakte an hlan.
A hlanna hun tawi buatsaih hi Pu Lalpuithanga (VCP), Bethel Veng, Lawngtlai chuan kaihruaiin Pu Lawmkima Hmar, Pholeng YouTube Channel chuan Vehbur an khawnsak chhan leh thilpek petute chunga lawmthu sawina hun a hmang.
Bethel Veng YLA hruaitu leh thenawm khawveng ten an telpui a, Lunglei atangin mi 5 an kal bawk.
Pi Tluangpuii hi Brain Tumor-in a tlakbuak avangin hun rei tak chhung Damdawi In hrang hrangah enkawl a ni a, Aizawl pan tura tih ni mahse a sum neihin a tlin lo avangin an kal thei lova. An puala Vehbur an khawn mek laiin a boral zui ta a ni.
Post a Comment