Lawngtlai 30.05.2021 : Vawiin a Lawngtlai District leh hmun danga thil thleng thenkhat te. Sorkar in inkhuahkhrihna hun a pawtsei leh ta a. Hemi chhung hian hri kai kan pun loh na turin sorkar thupek I zawm hram hram ang u aw..
1. Vawiin khan Pholeng YouTube Channel Lunglei te chuan Brain Tumor avanga boral ta Pi Tluangpuii, Bethel Veng ralna atan a pasal hnenah Rs 2,80,411/- bakah a puala thawmhnaw leh mutbu te an hlan.
2. Vawiin Ni 30.05.2021 hian Mizoram a Covid-19 enkawlna atangin mi 98 an chhuak
3. Vawiin khan Tawngtai Bethel Camping Centre (TBCC), Sakawrtuichhuna mipa awmna In chu bungrua engmah chuh hman lovin a kangral vek. He room Kang hi Zeptha room tih a ni a, mi 107 awmna room ani
4. IDSP chhinchhiah danin, May 1-28,2021 chhunga Mizoram COVID-19 hri kai hmuhchhuah 5528 zinga 3948, zaa 71.44 chu Aizawl chhung a mi an ni
5. Mizoram Truck Driver Association President Lalhmingliana chuan, Hnahthial VLTF North-I duty leh Traffic police ten an driver pui, tihsual a neih em em sawi tur awm si lova load a dah zo, haw lam kut an thlak rawn chu hriatthiam har a tih thu a sawi a, an lungawina tawk ngaihdam dilna an dawng lo anih chuan driver-ten Hnahthial load reng reng an phur tawh dawn lo tih vawiin khan Rengtekawn a chanchinbu mite a kawmnaah a sawi.
6.Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 9 manin, he'ng an mi mante hi pawisa ₹ 1,800/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 755 man tawh niin, pawisa chawitir zat hi ₹ 93,700/- a tling tawh a ni.
7. Vawiin khan Council Veng a Covid-19 Executive Duty te chuan Council Veng VLTF te Rs 1200/- in an tanpui.
8. Vawiin khan Chawngte a RAgT test neih chhunzawm leh a ni a. Mi 40 test niin an zing mi pasarih te chu Covid-19 positive an ni tih hmuhchhuah a ni a. Positive te hi mipa pahnih leh hmeichhia panga te an ni.
9. Vawiin khan COVID-19 positive vanga boral pahnih an awm belh leh a. Chungte chu
I) Pu Chawngluaia (87), Chhunga Veng chu dar 3:45 Pm khan a boral a. Home Quarantine lai ania, vawiin ah RAgT hmangin COVID-19 positive a ni tih hriatchhuah ani. Amah hi zunthlum, thisen sang leh lung tha lo nei a ni.
ii) Pi Malsawmsangi (37) Zokhawthar, Champhai District niin dar 4:45 Pm khab Covid-19 Pneumonia vangin ZMC-ah a boral a. Ni 12.05.2021 khan RAgT hmangin positive ani tih hriatchhuah a ni a, Champhai CCC-a enkawl anih hnu in Ni 21.05.2021 ah ZMC-ah admit a ni.
Post a Comment