Lawngtlai 30th, April.2021 : Mizoram chhunga Helicopter Service chu Covid-19 hri leng a lo hluar leh tak avangin May ni 3 atangin tih tawp rih ani dawn.
Civil Aviation Wing-a, Principal Consultant, Wing Commander J.Lalhmingliana chuan, Mizoram ah Covid-19 hri leng a hluar chhoh zel avangin mipui him nan Helicopter Service chu tih tawp rih ani dawn a, ticket lo la lawk tan refund theih a ni. Hetih lai hian mihring nunna chhanna thil, emergency-ah erawh Helicopter hi hman theih ani thung ang.
J.Lalhmingliana sawi danin, nikum lama hri leng avanga inkharkhipna kalpui anih lai pawh khan mi nawlpui hman theih tura Helicopter Service tih tawp anih lai pawh khan mihring nunna chhanna thil, damlo nazual phurh nan Helicopter chu tum eng emaw zat lo thlawh tir tawh ani, a ti.
Post a Comment