Ramchhungah oxygen mamawh dan chungchang leh chak zawka siamchhuah dan tur chungchangah vawiin khan prime minister Narendra Modi hovin mi pawimawhte an thukhawm.
Meeting-ah hian prime minister chuan oxygen chu chak zawka siamchhuah a tul thu te, a semdarh kawngah chak zawka hmalak a tul thu leh damdawiin hrang hranga oxygen hman kawngah ngaihtuahna thar sen a tul thu a sawi a, state thuneitute nen thawhhona tha tak neiin oxygen mamawh dan an enfiah thu a sawi bakah mamawh khawp pek anih theih nan hmalak a nih thu a sawi.
He hunah hian nitina oxygen siamchhuah chu a pun chhoh hret hret thu tarlan a ni. He hunah hian sorkara mi pawimawh cabinet secretary, principal secretary to prime minister, home secretary, health secretary leh ministry of commerce & industry, ministry of road transport, Pharmaceuticals, NiTi Aayog atangin Officials-te an tel.
Hetih lai hian Delhi Dy CM Manish Sisodia chuan damdawiin engemawzatah chuan oxygen-ah harsatna nasa tak an tawh thu leh hmun thenkhatah chuan damlo ten oxygen an mamawh ang an dawng thei tawh lo tih a sawi.
New Delhi-a chanchinbumite a kawmnaah Sisodia chuan oxygen semkual chungchangah thenawm state ten harsatna an siam niin a puh a, a hma ni khan Delhi tana oxygen pek tura tih metric tonne 378 turah metric tonne 117 chauh an hmu niin a sawi a ni.
Post a Comment