Central Young Lai Association ten Myanmar ram buai avanga Lawngtlai District-a Myanmar mi raltlan an chhinchhiah zat chu 1800 vel an tling tawh.
Central YLA General Secretary JH. Lalrindika sawi danin, Central YLA chuan raltlante hi Branch YLA kaltlangin ngun takin an chhiah thu a sawi a, raltlan hi an awm belh zel avangin a zat hi a danglam reng a ni a ti.
Kar liam ta khan raltlan tamna zual Sangau RD Block huam chhunga mi veng 22 te chu an President Hc. Vanlalruatpuia hoin an tlawh a, tanpuina pawisa bakah, Dal, Alu leh nitin mamawh khawsakna an mamawh tur ang chi an sem bawk.
Raltlan zingah hian tar chak lo leh kum upa lam bakah nunau an tam zual a, mahni chhungte bela khawsa nawk nawk thei awm mahse, belh tur nei lo thahnem tak an awm avangin an tlukluhna khuate chuan a theih ang angin an lo chhawmdawl mek a ni.
Post a Comment