EDITORIAL
COVID-19 LAKA KAN HIM NAN FIMKHUR TLUK A AWM LO
Covid-19 thawhhnihna avangin nunphung a buai leh tan ta reng mai. Sorkar in kan him theihna tur kawng tam tak a ngaihtuah a,sorkar thupek zawm a hnek a, lo sawisel leh tilui kan tam leh tan ta riau mai. Zan curfew a puang a, duty an awm loh avanga zalen kan tum nghal ngawt hi a fuh ber lovang. He hri laka kan him theihna tur kawng sorkar in a ngaihtuahna ah hian mipuite'n kan support a ngai tak zet a ni.
Tun dinhmun ah hian tualchhung ah Covid-19 hri vei awm lo mahse, inthlahdah tur kan ni lo tih hi kan hriat reng a tha hle mai. Face mask vuah lova Len chhuah te hi mithiam zawk ten a him lo an tih chuan, vuah I tum hram hram ang u. Thupek khauh zawk tihchhuah a ni tawh a, face mask vuah lo te chu a hremna dan pawh hman leh tur a ni ta. Hrem I hlauh avangin face mask vuah ngawt lo la, I himna tur ani tih ngaihtuah zawk la, sorkar thupek zawm mai hi kan himna tur kawng pakhat chu a ni reng mai.
Sorkar in Social distancing maintain tur a ti a, midangin an lo maintain lo anih pawh in sorkar sawisel ngawt lo la, nangmah zawk khan sorkar thupek zawm tum hram zawk ang che.
He hri leng hian duhsak bik a nei lo tih hre reng ila. Covid-19 vaccine kan lak avang ngawt a him tur kan ni lova,kan fimkhur a, sorkar thupek kan zawm hi kan himna tur kawng pakhat chu anih tlat avangin sorkar thupek sawisel tu aiin a zawm tu nih kan tum hram hram ava tha em.
Tun dinhmunah chuan huaisen taka SOP zawm a, mitthi in a kal loh te, mitthi ral loh te pawh kan ngam a ngai hrih e. Inthiamloh chu a awl viau ngei ang. Chhiat han tawh hian “rawn kal leh kal lo hriat a awl e” an ti fiamthu thin a, chutiang men chuan chhiattawk chhungkua te pawh lo men loh thiam pawh a tul hrih bawk ang. Kan boruak thlir hian a zual zawpui vailen hlo tih ang maiin hri kai kan pung thur thur nitin mai si a, fimkhur sen anih loh rualin fimkhur avanga inven theih
erawh tam tak a awm bawk. Chuvangin,mitin te he hri laka kan him theihna Turin fimkhur I chhuah ang u. Midang an inthlahdah avang ngawtin inthlahdah lo ila, mi thenkhatte an fimkhur loh avangin lo fimkhur loh ve ngawt kha a him lo tih hria a, fimkhur tak Chung zelin he hri lakah hian him I tum hram hram ang u
Post a Comment