Myanmar raltlante hnenah LSA Sub-Hqrs. Sangau in chhawmdawlna pe

Lai Student Association, Sub-Hqrs. Sangau chuan Myanmar ram buaina avanga Mizorama rawn raltlante hnenah chhawmdawlna thahnem tak an pe. LSA Sub-Hqrs. Sangau te hian 30th March, 2021 khan raltlante pual hian bawm an dawh a, an bawm dawhna atang hian Rs. 56,000 a lut. Heng sum hmang hian Buhfai leh Dal lei a ni a, hemi hmang hian raltlante hi chhawmdawl an ni. Raltlante an chhawmdawl dan hi ?huang hrang hrangah ?hen a ni a, thuang khatna hi Buhfai pack 1 leh Dal pack 3 pek an ni a, thuang hnihna hi Buhfai bag chanve leh Dal pack 2 pek an ni. thuang thumna hi Buhfai bah chanve leh Dal pack 1 pek an ni a, thuang lina hi Dal chauh pek an ni. Hmun thenkhatah thawmhnawte pawh pek an ni bawk. Heng an bawm dawh atanga an sum hmuh hmang hian chhawmdawlna bungruate hi lei a ni a, Inrinni, 17th April, 2021 khan chhawmdawlna hi mi 220 hnenah hian pek an ni. LSA Sub-Hqrs. Sangau te chuan raltlante tana pawisa petu zawng zawngte Sangau leh a chhehvel khuate hnenah lawmthu an sawi a ni.