Vawiin ni 23.April,2021 hian Lai Autonomous District Council-a Chief Executive Member Pu Manghmunga Chinzah ngenna angin LADC a Office holder te, Member of District Council leh LADC staff Kum 45 chin chunglam ten LADC Conference Hall-ah Covid-19 vaccine an la.
Pu Manghmunga Chinzah CEM chuan, Covid-19 hri leng thawhhnihna lakah ram mipuite chu fimkhur tur leh Sorkar in thupek a chhuah te chu tha tak zawm turin a chah a. Mipuite chu tul leh pawimawh anih hle loh chuan pawnchhuak tam lo tur a ngen bawk a. He hri hlauhawm taka laka kan him theihna turin hmaituamna vuah uar ila, kut silfai leh social distancing maintain te pawh ngaipawimawh theuh turin ram mipuite a chah a ni.
CEM chuan Covid-19 vaccine an lak theihna tura thil tul pawimawh hrang hrang te ngaihtuah a, an ngenna te ngaipawimawh a Lawngtlai District CMO Dr.L.P Malsawmna chunga lawmthu a sawi bawk a ni.
CEM ngenna angin Vaccination team te hian LADC Hall ah kal chilhin Vaccine pekna hun an hmang a. Vaccination camp ah hian mi 56 hnenah hri danna hi pek an ni.
Post a Comment