AH&Vety Department, LADC chuan ram pawn atanga ran (vawk) lakluh leh vawksa atanga thilsiam chhuah lakluh khap-na thu a chhuah.LADC AH & VETY Dept.chuan Mizoram chhung hmun hrang hrangah vawk hri hlauhawm tak African Swine Fever (ASF) ni a ngaih chu a leng mek a, vawk tam takin an thih phah tawh a. He hri hi khawchhak (Myanmar) lam atanga lo lut ni a, a lan thu an tarlang a. Lawngtlai DC in IPC Section 144 CrPc dan hmanga Thu chhuah a siam ang te hma la turin Village Council te hnenah ngenna an siam.
1) Lawngtlai District chhung khawi atang mahin vawk leh vawksa atanga thil siam reng reng lak luh phal ani lo.
2) Vawk damlo an awmin AH & Vety Department ah report vat tur ani.
3) Vawk tlahtu ten Vawk hrisel tha leh ei tlak chauh ser thin tur a ni. AH & Vety Department awmna khua ah chuan Doctor certificate an nei tur a ni a, certificate an pek te chauh in vawk an talhin an zuar thei ang. Doctor awm lohna khua ah chuan VC ten a tul angin hma an la thei ang.
4) Ran thi a awmin mahni a sawngbawl mai lovin,a hnuaia contact tarlan ah hian report zel tur ani. He thupek hi thu leh a awm hma chu zawm a, kalpui tur ani ang.
AH & Vety Dept. LADC chuan Village Council te chu an Veng/khua chhungah a rang lama hma lakpui tur leh min thawhpui Turin an sawm bawk a. A tul anga Mipui hnena puanzar sak Turin an ngen bawk a ni.
AH & Vety Dept.LADC chuan dan bawhchhia te hi a tul anga action lak tur ani ang.Contact No - 8731852788 (DCVO) leh 943615 8968 (Sr.SO) ah te hrilh hre turin an ngen bawk a ni.
Post a Comment